মুকালমুৱাত শোকাবহ পথ দুৰ্ঘটনা ৷
মুকালমুৱাৰ বদনী আখিয়াত ভয়ংকৰ পথ দুৰ্ঘটনাত প্ৰাণ হেৰুৱালে যুৱকে ৷
মৃত যুৱকজন আইনাল হ’ক বুলি জানিব পৰা গৈছে ৷
ইৰিক্সা আৰু মটৰ চাইকেলৰ মাজত মুখামুখি সংঘৰ্ষৰ ফলত মৃত্যু হয় মটৰ চাইকেল আৰোহীজনৰ ।
দুৰ্ঘটনাৰ ফলত মটৰ চাইকেলত অহা আন এজন যুৱকো গুৰুতৰভাবে আহত হয় ৷
মটৰ চাইকেলত অহা আনজন যুৱক অহেদ আলী বুলি জানিব পৰা গৈছে ৷
আঘাতপ্ৰাপ্ত দুয়োজনকে স্থানীয় লোকে ততাতয়াকৈ মুকালমুৱা মহকুমা অসামৰিক চিকিৎসালয়লৈ প্ৰেৰণ কৰে যদিও আইনাল হ’কক মৃত বুলি ঘোষণা কৰে চিকিৎসকে ৷
আনজন আহত অহেদ আলীক উন্নত চিকিৎসাৰ বাবে গুৱাহাটী মেডিকেল কলেজ হস্পিতাললৈ প্ৰেৰণ কৰে ৷
দুয়োৰে ঘৰ হাজো থানাৰ অন্তৰ্গত তাকানমাৰীত বুলি জানিব পৰা গৈছে ৷
দুৰ্ঘটনাত পতিত মটৰ চাইকেলখনৰ নম্বৰ হৈছে AS-25K-4858 ৷
