গুৱাহাটী মহানগৰীত পুনৰ সংঘটিত হ’ল জলবিস্ফোৰণ। এইবাৰ নুনমাটিত বিস্ফোৰিত হ’ল পানীৰ পাইপলাইন।
লাভ কৰা তথ্য অনুসৰি আজি বিয়লি নুনমাটি অঞ্চলৰ ২নং ছেক্টৰত সংঘটিত হয় এই ঘটনা।
ঘটনাৰ পৰিপ্ৰেক্ষিতত অঞ্চলটোৰ পানী যোগান সাময়িকভাৱে বন্ধ কৰি দিয়া হৈছে বুলি সূত্ৰই জনায়।
পানীৰ ফোৱাৰ পূৰ্বৰ দৰে মাৰাত্মক নহ’লেও এনে কাণ্ড পুনৰ সংঘটিত হোৱা কাৰ্যই আতংকিত কৰিছে মহানগৰবাসীক।
মাত্ৰ অলপতে কমাৰ্চ কলেজ লিংক ৰোডৰ সমীপৰ ৰাজগড় পথত গুৱাহাটী জল ব’ৰ্ডৰ নতুনকৈ স্থাপন কৰা পানীৰ পাইপলাইন বিস্ফোৰিত হৈছিল। এই ঘটনাত কোনো লোক আহত বা হতাহতিৰ খবৰ পোৱা নাই যদিও লাখ লাখ টকাৰ সম্পত্তিৰ ক্ষতিসাধন হয়।
