বৰপেটা উন্নয়ন প্ৰাধিকাৰীৰ কাৰ্যালয় ভৱন উদ্বোধন মন্ত্ৰী ৰণজিৎ দাসৰ
CIDF আঁচনিৰ ১০০ কোটিৰে বৰপেটাৰ উন্নয়নৰ পৰিকল্পনা মন্ত্ৰী ৰণজিৎ কুমাৰ দাসৰ ৷
উল্লেখযোগ্য যে বৰপেটাত আজি মন্ত্ৰী ৰণজিৎ কুমাৰ দাসে বৰপেটা উন্নয়ন প্ৰাধিকাৰীৰ নৱনিৰ্মিত কাৰ্যালয় ভৱনটো মুকলি কৰে ৷ নৱনিৰ্মিত কাৰ্যালয় ভৱনতো মুকলি কৰি বৰপেটা চহৰৰ উন্নয়ন সম্পৰ্কতো মন্তব্য কৰে মন্ত্ৰীগৰাকীয়ে ৷
আনকি পূৰ্বৰ মুখ্যমন্ত্ৰী সৰ্বানন্দ সোণোৱালৰ কাৰ্যকালত CIDF আচনিৰ জৰিয়তে বৰপেটা চহৰৰ উন্নয়নৰ বাবে আৱন্টন দিয়া ১০০ কোটি টকা কিদৰে মোকলাই আনিব পাৰি সেইসম্পৰ্কে জিলা উপায়ুক্তক ব্যৱস্থা গ্ৰহণৰ নিৰ্দেশ দিয়ে মন্ত্ৰী ৰণজিৎ কুমাৰ দাসে ৷
ইপিনে শতিকাপ্ৰাচীন বৰপেটা চহৰৰ উন্নয়নৰ বাবে বৰপেটা উন্নয়ন প্ৰাধিকাৰী, পৌৰসভা আৰু জিলা উপায়ুক্তক লৈ এখন যৌথসভা অনুষ্ঠিত কৰাৰ লগতে বৰপেটা চহৰৰ বিশিষ্ঠ নাগৰিকৰে সভা অনুষ্ঠিত কৰি ৰাইজৰ পৰামৰ্শ গ্ৰহন কৰা হব বুলিও মন্তব্য কৰে মন্ত্ৰীগৰাকীয়ে ৷
