বৰপেটাৰোডৰ খৈৰাবাৰীত এক চাঞ্চল্যকৰ ঘটনা সংঘটিত হৈছে। এগৰাকী শিক্ষকক দুৰ্বৃত্তই চোকা অস্ত্ৰ পিঠিত হানি দিয়ে ৷ শিক্ষকজনৰ নাম ছানোৱাৰ হুছেইন বুলি জানিব পৰা গৈছে ৷
শিক্ষক জনৰ ঘৰ বৰপেটাৰোডৰ দোমনীত ৷দেওবাৰে নিশা প্ৰায় 9-30 মান বজাত শিক্ষকজনে নিজৰ বাইকেৰে বৰপেটাৰোডৰ পৰা দোমনীৰ নিজ গৃহাভিমুখে গৈ থকাৰ সময়ত খৈৰাবাৰীত পিছপিনৰ পৰা কোনোবা দুৰ্বৃত্তই শিক্ষকজনক চোকা অস্ত্ৰৰে হানি দিয়ে ৷
শিক্ষকজনে বাইকেৰে ঘৰলৈ গৈ থকা সময়ত এখন বাইকেৰে দুৰ্বৃত্তদ্বয়ে পিছে পিছে গৈ আছিল বুলি জানিবলৈ দিয়ে ৷ শিক্ষক জনৰ পিঠিত চোকা অস্ত্ৰ হানি তীব্ৰ বেগেৰে বাইকেৰে গুচি যায় দুৰ্বৃত্তদ্বয়ে ,
ফলত থিতাতে শিক্ষকজন ঢলি পৰে ৷
স্হানীয় লোকে ততাতিয়াকৈ শিক্ষকজনক বৰপেটাৰোডৰ চিকিৎসালয়ত ভৰ্তি কৰায় যদিও উন্নত চিকিৎসাৰ বাবে সংকটজনক অৱস্থাত বৰপেটা মেডিকেল কলেজলৈ প্ৰেৰণ কৰিছে। কোন দুৰ্বৃত্তই কি কাৰণত শিক্ষকজনক পিছপিনৰ পৰা চোকা ৰড সোমুৱাই দি হত্যা কৰাৰ বাবে পৰিকল্পনা কৰিছে সেয়া জানিব পৰা হোৱা নাই ৷ বৰপেটাৰোড আৰক্ষীয়ে ইতিমধ্যে এই চাঞ্চল্যকৰ ঘটনাৰ তদন্ত অব্যাহত ৰাখিছে ৷
