বটদ্ৰৱাত পাচঁ দিনীয়া কাৰ্যসূচীৰে উদযাপন কৰা হব শ্ৰী শ্ৰী কৃষ্ণ দৌল যাত্ৰা মহোৎসৱ

বটদ্ৰৱাত পাচঁ দিনীয়া কাৰ্যসূচীৰে উদযাপন কৰা হব শ্ৰী শ্ৰী কৃষ্ণ দৌল যাত্ৰা মহোৎসৱ ।থান পৰিচালনা সমিতিৰ সংবাদ মেল ।
আৱিৰৰ ৰঙেৰে ৰঙীণ হব গুৰুজনাৰ পৱিত্ৰ জন্মস্থান বটদ্ৰৱা । পূৰ্বৰ পৰম্পৰা ৰক্ষা কৰি এইবাৰো মহাপুৰুষ শ্ৰীমন্ত শংকৰদেৱ গুৰুজনাৰ পৱিত্ৰ জন্মস্থান বটদ্ৰৱা থানত শ্ৰী কৃষ্ণৰ দৌল মহোৎসৱভাগ পাঁচদিনীয়া বৰ্ণাঢ্য কাৰ্যসূচীৰে উদযাপন কৰা হব । অহা ইং ৬ মাৰ্চ পৰা অাৰম্ভ হবলগীয়া দৌল মহোৎসৱ ভাগ ১০ মাৰ্চত অন্ত পৰিব । ইতিমধ্যে দৌল মহোৎসৱৰ বাবে প্ৰস্তুতি প্ৰায় সম্পূৰ্ণ কৰি তুলিছে থান পৰিচালনা সমিতিয়ে । লাখ লাখ ভক্তৰ সমাগম ঘটিব দৌল মহোৎসৱভাগত । অতিথি সকলক আদৰিবলৈ প্ৰস্তুতি প্ৰায় সম্পূৰ্ণ কৰি তুলিছে থান পৰিচালনা সমিতিৰ লগতে বটদ্রৱাবাসীয়ে । মহোৎসৱৰ অাটাইকেইদিনেই নিশা প্ৰদৰ্শিত হব গুৰুজনাৰ অপুৰ্ব সৃষ্টিৰাজি অংকীয়া ভাওনাৰ লগতে সত্ৰীয়া নৃত্য অনুস্থান , হোলী গীত অাৰু বৰ্ণাঢ্য সাংস্কৃতিক কাৰ্যসুচী । মহোৎসৱভাগ সফল কৰি তুলিবলৈ ইতিমধ্যে নগাওঁ জিলা প্ৰশাসনে বিশেষ ব্যৱস্থা গ্ৰহন কৰিছে । সমগ্ৰ অনুষ্ঠান ভাগত বটদ্ৰৱাত উপস্থিত থাকিব কেইবাগৰাকীও মন্ত্ৰী – বিধায়ক।

By Dipshikha

Leave a Reply

Your email address will not be published. Required fields are marked *