পুনৰ বন্যহস্তীৰ উপদ্ৰৱ

খাদ্যৰ সন্ধানত প্ৰায়ে বন্য জীৱ-জন্তুৱে বনাঞ্চল এৰি জনাঞ্চলত প্ৰৱেশ কৰিবলৈ ধৰিছে ৷ যাৰ পৰিপ্ৰেক্ষিতত ৰাজ্যৰ কোনো কোনো অঞ্চলত স্থানীয় ৰাইজে ভয়-শংকাৰ মাজেৰে সময় পাৰ কৰিবলগা পৰিস্থিতি আহি পৰিছে ৷ৰাজ্যত শেহতীয়াকৈ পুনৰ বৃদ্ধি পাইছে হাতী মানুহৰ সংঘাত ৷গুৱাহাটী মহানগৰীৰ কিছু প্ৰান্তত বৃদ্ধি পাইছে বন্যহস্তীৰ উপদ্ৰৱ ৷ এইবাৰ আমছিং অভয়াৰণ্যৰ পৰা ওলাই অহা এটা বনৰীয়া হাতীয়ে সাতগাঁও সেনা শিবিৰত এক আতংকময় পৰিৱেশৰ সৃষ্টি কৰিছে ।উল্লেখযোগ্য যে পুৱাৰ ভাগত খাদ্যৰ সন্ধানত ওলাই অহা বনৰীয়া হাতীয়ে সেনা শিবিৰৰ ৰাজপথতে বগৰাই দিয়ে সামগ্ৰী কঢ়িয়াই অনা এখন বাহন । বনৰীয়া হাতীটোৱে বাহন বগৰাই দিয়াৰ সমগ্র ভিডিঅ’ ভাইৰেল হৈ পৰিছে সামাজিক মাধ্যমত।জানিবপৰা মতে স্থানীয় লোকৰ খবৰৰ ভিত্তিত ঘটনাস্থলীত বন বিভাগৰ দল উপস্থিত হৈ বনৰীয়া হাতীটোক কোনোমতে সেই স্থানৰ পৰা আঁতৰাই খেদি পঠিয়াবলৈ সক্ষম হয় ৷

By Dipshikha

Leave a Reply

Your email address will not be published. Required fields are marked *