ডিব্ৰুগড় লাহোৱালৰ মোহনবাৰী বাইপাচত তিনিজন ড্ৰাগছ সৰবৰাহকাৰী আটক ।লাহোৱালত নগদ ৫লাখ ৪৪হেজাৰ টকা সহ প্ৰায় ২০লক্ষাধিক টকাৰ মূল্যৰ ড্ৰাগছ জব্দ। আটক তিনি ড্ৰাগছ সৰবৰাহকাৰী।ডিব্ৰুগড় জিলাৰ অতিৰিক্ত আৰক্ষী অধীক্ষক বিতুল চেতিয়াৰ আৰু লাহোৱাল থানাৰ ভাৰপ্ৰাপ্ত আৰক্ষী বিষয়া মনোজ্বল গগৈৰ সহযোগত তিনি ড্ৰাগছ সৰবৰাহকাৰীক মোহনবাৰীৰ বাইপাছত হাতে লোটে আটক কৰিবলৈ সক্ষম হয়। আৰক্ষীয়ে ঘটনাস্থলীৰ পৰা AS-06-Q0436 নম্বৰৰ এখন ব’লেৰ বাহন আৰু AS23K1089 আন এখন এল্ট বাহনসহ ৫টাকৈ মোবাইল জব্দ কৰে ৷ আৰক্ষীয়ে আটক কৰা তিনি ড্ৰাগছ সৰবৰাহকাৰী ক্ৰমে তিনিচুকীয়াৰ ৰূপজিৎ বৰুৱা (২৮),যোৰহাট তিতাবৰৰ দাদু বৰুৱা(৪৩) আৰু যোৰহাট তিতাবৰ মাধুপুৰৰ মুকুল বৰুৱা (২৪)বুলি জানিব পৰা গৈছে ।
