জম্মু আৰু কাশ্মীৰৰ বহুতো অঞ্চলত অব্যাহত আছে সুৰক্ষা বাহিনীৰ অভিযান। ইয়াৰ মাজতে কুলগামত সেনা-সন্ত্ৰাসবাদীৰ মাজত চলিছে ভয়ংকৰ সংঘৰ্ষ। সংঘৰ্ষত সেনাৰ গুলীত নিহত হৈছে ৫টাকৈ সন্ত্ৰাসবাদী।এনকাউণ্টাৰৰ এদিন পূৰ্বে ভাৰতীয় সেনাৰ সৈন্যই কুপৱাৰাত উদ্ধাৰ কৰিছিল অস্ত্ৰ-শস্ত্ৰসহ বিস্ফোৰক সামগ্ৰী।চলিত বৰ্ষত জম্মু আৰু কাশ্মীৰত কেইবাটাও সন্ত্ৰাসবাদী ঘটনা সংঘটিত হৈছে। ২০ অক্টোবৰত, মধ্য কাশ্মীৰত সন্ত্ৰাসবাদীৰ আক্ৰমণত ৭ জন লোক নিহত হৈছিল। এই ঘটনাৰ পূৰ্বে কাশ্মীৰত কাম কৰা বাহিৰৰ লোকসকলৰ ওপৰতো আক্ৰমণ কৰা হৈছিল।
