গোসাইগাঁৱৰ সাপকাটাত নেলী হত্যাকাণ্ডৰ প্ৰতিবাদত আমছুৰ ক’লা দিৱস পালন। বিদেশী বিতাড়নৰ আন্দোলনৰ ভৰপক সময়ত ১৯৮৩ চনৰ ১৮ ফেব্ৰুৱাৰীত নেলীত এক গণ হত্যা সংঘটিত হৈছিল ৷এচাম দুস্কৃতিকাৰীয়ে নৃশংসভাৱে শ শ সংখ্যালঘু লোকক নিৰ্মমভাৱে হত্যা কৰা হৈছিল ৷হত্যাৰ বলি হোৱা সকলৰ ভিতৰত শিশু আৰু নাৰীৰ সংখ্যা যথেষ্ট আছিল ৷নেলী হত্যাকাণ্ডৰ ৪০ টা বছৰত ভৰি দিলে যদিও আজিলৈকে নেলী হত্যাকাণ্ডৰ বলি হোৱা সকল আজিলৈকে ন্যায় নাপালে ৷নেলী হত্যাকাণ্ডৰ সঠিক ন্যায় পোৱাৰ বাবে চৰকাৰে তিৱাৰী আয়োগ গঠন কৰিছিল ৷ কিন্ত সেই তিৱাৰী আয়োগৰ প্ৰতিবেদন আজিলৈকে চৰকাৰে ৰাজহুৱা নকৰিলে ৷হত্যাৰ বলি হোৱা লোক সকলক শ্বহীদ বুলিও ঘোষণা নকৰিলে ৷নেলী হত্যাকাণ্ডৰ প্ৰতিবাদত অন্যান্য বছৰ দৰে এই বেলিও আমছুৰ পশ্চিম কোকৰাঝাৰ জিলা সমিতিৰ উদ্যোগত আমছুৰ সাপকাটা আঞ্চলিক সমিতিৰ কাৰ্যালয়ৰ সন্মুখত ক’লা বেজ পৰিধান কৰি প্ৰতিবাদ সাব্যস্ত কৰে লগতে মৃত ব্যক্তি সকলৰ বাবে আত্মাৰ সদগতি কামনা কৰি দোৱা কৰে ৷
