কাছাৰত ১৫ কোটিতকৈ অধিক মূল্যৰ ড্ৰাগছ জব্দ, আটক দুই সৰবৰাহকাৰী।আৰক্ষীয়ে চলোৱা এই অভিযান কালত প্ৰথমে এখন সন্দেহজনক ট্ৰাক আটক কৰে আৰক্ষীয়ে । ইয়াৰ পাছতে ট্ৰাকখনত পুংখানুপুংখভাৱে তালাচী চলোৱা হয় । এই তালাচীত আৰক্ষীয়ে প্ৰায় ১৫.৫ কোটি টকাৰ নিচাযুক্ত সামগ্ৰী জব্দ কৰিবলৈ সক্ষম হোৱাৰ কথা সদৰী কৰিছে সূত্ৰটোৱে । জানিব পৰা মতে, ট্ৰাকখনৰ পৰা ১৮ হাজাৰ য়াবা(YABA) টেবলেট আৰু ২ কেজি ক্রিষ্টলাইন মেথামফেটামাইন জব্দ কৰে আৰক্ষীয়ে ৷অসম আৰক্ষীয়ে চোৰাংচোৱাৰ তথ্যৰ ভিত্তিত কাছাৰ জিলাত এক ড্ৰাগছ বিৰোধী অভিযান চলাইছিল । এই অভিযান কালত ড্ৰাগছ সহ নিষিদ্ধ নিচাযুক্ত সামগ্ৰী সৰবৰাহৰ অভিযোগত দুজন লোকক আটক কৰে আৰক্ষীয়ে ।
