আজি ঐতিহাসিক বীৰ ৰজা জোঙাল বলহু দিৱস। তিৱাসকলৰ পিতৃপুৰুষ তথা শৌৰ্য-বীৰ্যৰ প্ৰতীক বীৰগৰাকীক সুঁৱৰিবলৈ ৰহাৰ জোঙালবলহু ক্ষেত্ৰত দিনজোৰা কাৰ্যসূচীৰে আয়োজন।পৰাক্ৰমী ৰজা জোঙালবলহু অসম বুৰঞ্জীৰ এক অমৰ চৰিত্ৰ৷ অসম চৰকাৰে জোঙালবলহুৰ স্মৃতি যুগমীয়া কৰাৰ উদ্দেশ্যে নগাঁও জিলাৰ ৰহাত জোঙালবলহু পৰ্যটন ক্ষেত্ৰ নিৰ্মাণৰ কাম কৰি থকাৰ লগতে তেখেতৰ শৌৰ্যগাথাৰ প্ৰচাৰ-প্ৰসাৰৰ বাবে বিভিন্ন পদক্ষেপ গ্ৰহণ কৰিছে।১৩৬৫-১৩৮৫ চনৰ আশে-পাশে মধ্যযুগীয় উত্তৰ-পূব ভাৰতৰ এজন তিৱা ৰজা আছিল। ৰাজ্যখন অসম ৰাজ্যৰ বৰ্তমানৰ ৰহাত আছিল। তেওঁ তিৱা জনগোষ্ঠীৰ লোক সকলক শাসন কৰিছিল। আজি জোঙাল বলহু দিৱস উপলক্ষে অসমৰ সোণালী ইতিহাসৰ পাত লুটিয়াই তিৱা ৰজা জনক সশ্ৰদ্ধে স্মৰণ কৰিছোঁ।
