অসমৰ বাবে আজি ৩ খন নতুন ৰে’ল মুকলি কৰিলে কেন্দ্ৰীয় ৰে’লমন্ত্ৰী অশ্বিনী বৈষ্ণৱে। অনুষ্ঠানত অংশগ্ৰহণ কৰি মন্ত্ৰী অশ্বিনী বৈষ্ণৱে কয় যে “উত্তৰ-পূব ভাৰতৰ বাবে নতুন ইঞ্জিন। দেশক আগুৱাই নিয়াৰ নতুন ইঞ্জিন উত্তৰ-পূব। অসমৰ বহুত দম আছে। অসমৰ যুৱ প্ৰজন্ম সাজু হ’বৰ হ’ল।” আজি মন্ত্ৰী অশ্বিনী বৈষ্ণৱে মুকলি কৰা তিনিখন ৰে’ল হৈছে- গুৱাহাটী- নিউ লখিমপুৰ জনশতাব্দী এক্সপ্ৰেছ, নিউ বঙাইগাঁও- গুৱাহাটী পেছেঞ্জাৰ আৰু তিনিচুকীয়া- নাহৰলগুন এক্সপ্ৰেছ।অনুষ্ঠানত কেন্দ্ৰীয় ৰে’লমন্ত্ৰীৰ সৈতে উপস্থিত থাকে অসমৰ মুখ্যমন্ত্ৰী ডঃ হিমন্ত বিশ্ব শৰ্মা।
