সোমবাৰে কোকৰাঝাৰ জিলাৰ পৰা জেহাদী সংগঠনৰ সৈতে জড়িত প্ৰধান অভিযুক্তক আটক কৰা বুলি জানিব পৰা গৈছে । উল্লেখ্য যে, উত্তৰ-পূব তথা অসমত জেহাদী সন্ত্ৰাসবাদী নেটৱৰ্ক ধ্বংস কৰাৰ বাবে বিশেষ অভিযান অব্যাহত ৰাখিছে অসম আৰক্ষীয়ে ।কোকৰাঝাৰৰ ভোদেয়াগুৰিৰ ৩৫ বছৰীয়া গাজী ৰহমান নামৰ ধৃত ব্যক্তিজন জেহাদী সংগঠন আল কায়দা (AQIS) আৰু আনছাৰুল্লাহ বাংলা টিম (ABT)ৰ সৈতে জড়িত বুলি জানিব পৰা গৈছে। আই জি পি (STF) পাৰ্থ সাৰথি মহন্তই প্ৰধান অভিযুক্ত ৰহমানক গ্ৰেপ্তাৰ কৰাটো নিশ্চিত কৰিছে ।
