ভূমিস্খলনত এগৰাকী শিশু কন্যা মৃত্যু আহত আৰু এগৰাকী । মণিপুৰ ৰাজ্যৰ জিৰিবামত এক ভূমিস্খলনত প্ৰাণ হেৰুৱালে এটি কন্যা শিশুৱে । আন এটা শিশু আহত হয় । এই কৰুণ ঘটনা সংঘটিত হৈছে জিৰিবাম জিলাৰ এখন দুৰ্গম গাঁও আহমেদাবাদত । সোমবাৰে নিশা হোৱা ধাৰাসাৰ বৰষুণৰ ফলত আহমেদাবাদৰ আজিবুৰ ৰহমানৰ দুগৰাকী কন্যা ভূমিস্খলনে চেপি ধৰিলে । বোকা খহনীয়াত এগৰাকী ১১ বছৰীয়া স্কুলী ছাত্ৰীৰ মৃত্যু হয় । আৰু আন এটা ৭ বছৰীয়া শিশু গুৰুতৰভাৱে আহত হয় । চিকিৎসাৰ বাবে তেওঁক শিলচৰ মেডিকেল কলেজ হাস্পতাললৈ লৈ যোৱা হয় ।
