বাঘমাৰা চৰত ভয়ংকৰ পথ দুৰ্ঘটনাত থিতাতে নিহত এজন
বৰপেটা বাঘমাৰাত সংঘটিত হৈছে এক ভয়ংকৰ পথ দূৰ্ঘটনা।দুখন বাইকৰ সংঘৰ্ষৰ ফলত এজন লোক থিতাতে নিহত হোৱাৰ লগতে দুজন লোক গুৰুতৰ ভাৱে আহত হয়।
জানিব পৰা মতে বাঘমাৰা বজাৰৰ পৰা ভাতনাপাইতি লৈ গৈ থকা এখন বাইক বাঘমাৰা বজাৰলৈ আহি থকা বাইকৰ মাজত মুখামুখি সংঘৰ্ষৰ ফলত এই ভয়ংকৰ দুৰ্ঘটনা সংঘটিত হয়।
ভাতনাপাইতি গাওৰ নুৰুল ইচলামৰ পুত্ৰ আজগৰ আলী থিতাতে নিহত হয় আৰু গুৰুতৰভাৱে আহত হয় ২ নং বাঘমাৰা চৰৰ মমতাজ আলীৰ পুত্ৰ হুছেইন আলী ও ৪ নং বাঘমাৰা চৰৰ ছানিদুল ইচলাম বুলি জানিব পৰা গৈছে।
দুৰ্ঘটনাত আহত যুৱক দুজনক আলোপতি স্বাস্থ্য কেন্দ্ৰৰ পৰা উন্নত চিকিৎসাৰ বাবে গোৱালপাৰা লৈ প্রেৰণ কৰে আৰু নিহত যুৱক জনক মৰনত্তোৰ পৰীক্ষাৰ বাবে বৰপেটাৰ ফকৰুদ্দিন আলী আহমেদ মেডিকেল কলেজলৈ প্ৰেৰণ কৰিছে।
