ঈদৰ আগদিনা লখিমপুৰৰ বঙালমৰাৰ গৰু বজাৰত উত্তেজনা।
মুচলমান ধৰ্মাৱলম্বী লোক সকলৰ অহা কালি পবিত্ৰ ঈদ উল আজহা ।
এই ঈদৰ আগমূহৰ্তত হঠাৎ লাগিল হোৱাধুৱা।
বঙালমৰা সাপ্তাহিক বজাৰত আজি এখন বিশেষ ঈদৰ বজাৰ গৰুৰ বজাৰ আয়োজন কৰিছিল বজাৰ সমিতিয়ে ।
কিন্তু সেয়া অনুমতি নোলোৱাত প্ৰশাসনে বন্ধ কৰিলে বিশেষ গৰুৰ বজাৰখন।
বঙালমৰা আৰক্ষীয়ে জব্দ কৰিলে গৰু।
তাৰ পিছতেই সৃষ্টি হয় উত্তপ্ত পৰিস্থিতিৰ।
একাংশ লোকৰ মতে বজাৰ সমিতিৰ একমাত্ৰ ভুলৰ কাৰণে আজি বহুতে নিজৰ গৰু হেৰাইছে ।
কোনোবা কান্দিছে কোনোবাই বঙালমৰা আৰক্ষী চকীৰ গেটৰ সন্মুখত নিজৰ গৰু বিচাৰিছে । ইয়াৰ তীব্ৰ বিৰোধিতা কৰি সাব্যস্ত কৰিলে প্ৰতিবাদ।
