২২ জানুৱাৰীত বিশাল আৰু ঐশ্বৰিক ৰাম মন্দিৰৰ প্ৰাণ প্ৰতিষ্ঠা হ’ব। এই কথা প্ৰকাশ কৰিছে অযোধ্যাৰ ৰাম মন্দিৰ নিৰ্মাণ সমিতিৰ অধ্যক্ষই। এক সাক্ষাৎকাৰত ৰাম মন্দিৰ নিৰ্মাণ সমিতিৰ অধ্যক্ষ নৃপেন্দ্ৰ মিশ্ৰাই কয়, ‘মন্দিৰৰ তলৰ মহলাৰ কাম নিশ্চিতভাৱে ৩১ ডিচেম্বৰ, ২০২৩ৰ ভিতৰত সম্পূৰ্ণ হ’ব।’ তেওঁ কয়-২২ জানুৱাৰীত ৰাম লাল্লাক পূজা কৰা হ’ব। প্ৰাণ প্ৰতিষ্ঠা কাৰ্যসূচী নিশ্চিতভাৱে দূৰদৰ্শনৰ জৰিয়তে প্ৰদৰ্শন কৰা হ’ব কিন্তু সকলো ভক্তক ২২ জানুৱাৰীত মন্দিৰ দৰ্শনৰ চেষ্টা নকৰিবলৈ অনুৰোধ জনোৱা হৈছে। ইয়াৰ পূৰ্বে, ২০২৪ চনৰ জানুৱাৰীত অযোধ্যাত নিৰ্মাণ কৰা বিশাল ৰাম মন্দিৰ উদ্বোধন কৰা হ’ব বুলি বাতৰি প্ৰকাশ পাইছিল। মন্দিৰৰ নিৰ্মাণ কাৰ্যৰ বহুতো ছবিও প্ৰকাশ পাইছিল।
