চিকান্দাৰ ৰাজা আৰু ইনোচেণ্ট কায়াৰ শতকে জিম্বাবোৱেক প্ৰথম খন এদিনীয়া আন্তঃৰাষ্ট্ৰীয় ক্ৰিকেট খেলত বাংলাদেশক পাঁচ উইকেটত পৰাস্ত কৰাত সহায় কৰে। ২০১৩ চনৰ পিছত বাংলাদেশৰ বিৰুদ্ধে জিম্বাবোৱেৰ এইটো প্ৰথম এদিনীয়া জয়। ৰাজাই আঠটা চাৰি আৰু ছয়টা ছয়ৰ সহায়ত ১০৯ টা বলত অপৰাজিত ১৩৫ ৰান সংগ্ৰহ কৰে। তেওঁ কায়াৰ (১১০ ৰান) সৈতে পঞ্চম উইকেটৰ বাবে ১৯৪ ৰানৰ অংশীদাৰী ত্বৰান্বিত কৰে। ইয়াৰ সৈতে, জিম্বাবোৱে দুৰ্বল আৰম্ভণিৰ পৰা পুনৰুদ্ধাৰ কৰি তিনি উইকেটত ৬২ ৰান কৰি পাঁচ উইকেটত ৩০৭ ৰানত জয় লাভ কৰে।
ইয়াৰ পূৰ্বে বাংলাদেশে দুই উইকেটত ৩০৩ ৰান সংগ্ৰহ কৰে। তেওঁলোকৰ চাৰিজন টপ অৰ্ডাৰৰ বেটছমেনে অৰ্ধ-শতক অৰ্জন কৰে। বাংলাদেশৰ হৈ লিটন দাসে সৰ্বাধিক ৮১ ৰান সংগ্ৰহ কৰে। তেওঁৰ উপৰিও অধিনায়ক তামিম ইকবালে ৬২, আনামুল হক (৭৩) আৰু মুশফিকৰ ৰহিমে (৫২ নট আউট) অৱদান আগবঢ়ায়। দ্বিতীয় খন এদিনীয়া দেওবাৰে খেলা হ’ব।
