কংগ্ৰেছ সাংসদ গৌৰৱ গগৈয়ে শনিবাৰে প্ৰধানমন্ত্ৰী নৰেন্দ্ৰ মোডীক মণিপুৰ ভ্ৰমণ নকৰাৰ বাবে সামলোচনা কৰি কয় যে তেওঁৰ ভাবমূৰ্তি হিংসাত্মক পৰিস্থিতিত আক্ৰান্ত উত্তৰ-পূব ৰাজ্যখনত শান্তি ঘূৰাই অনাতকৈও অধিক গুৰুত্বপূৰ্ণ।
লোকসভাত কংগ্ৰেছৰ উপ-দলপতি গগৈয়ে এক্স (পূৰ্বে টুইটাৰ)ত সংঘাতপূৰ্ণ ৰাজ্যখনৰ সতেজ সংঘৰ্ষৰ কথা উল্লেখ কৰে।
মণিপুৰৰ টেংগনৌপাল জিলাৰ পল্লেলত শুকুৰবাৰে বিভিন্ন সংঘৰ্ষ আৰু গুলীচালনাৰ কাণ্ডত মহিলাসহ প্ৰায় ৫০ জন লোক আহত হয়।
মণিপুৰ আৰক্ষীৰ তথ্য অনুসৰি প্ৰতিদ্বন্দ্বী সশস্ত্ৰ সংগঠন আৰু নিৰাপত্তাৰক্ষীৰ মাজত সংঘৰ্ষত ১১ জন সাধাৰণ নাগৰিক গুলীবিদ্ধ হয়।
৩ মে’ত মণিপুৰত জাতিগত সংঘৰ্ষৰ সৃষ্টি হয় আৰু তাৰ পিছৰে পৰা শ শ লোকে প্ৰাণ হেৰুৱাইছে আনহাতে হাজাৰ হাজাৰ লোকে সাহায্য শিবিৰত আশ্ৰয় ল’বলৈ বাধ্য হৈছে।
বিৰোধী কংগ্ৰেছে সাম্প্ৰতিক পৰিস্থিতিৰ বাবে বিজেপি চৰকাৰক দোষাৰোপ কৰি মুখ্যমন্ত্ৰী এন বীৰেন সিঙক পদৰ পৰা বৰ্খাস্ত কৰাৰ দাবী জনাই আহিছে।
