কৰ্ণাটকৰ প্ৰাক্তন মুখ্যমন্ত্ৰী বি এছ য়েদিয়ুৰাপ্পাই শুকুৰবাৰে কয় যে ২০২৪ চনৰ লোকসভা নিৰ্বাচনৰ বাবে ভাৰতীয় জনতা পাৰ্টিৰ বুজাবুজি হ’ব।
সেই হিচাপে মুঠ ২৮টা সমষ্টি থকা কৰ্ণাটকৰ চাৰিখন লোকসভা আসনত জেডি(এছ)য়ে প্ৰতিদ্বন্দ্বিতা কৰিব বুলি য়েদিয়ুৰাপ্পাই কয়। “সেইটো লৈ মই সুখী। দেৱেগৌড়া জীয়ে আমাৰ প্ৰধানমন্ত্ৰীক সাক্ষাৎ কৰিছে আৰু ইতিমধ্যে তেওঁলোকে চাৰিখন আসন চূড়ান্ত কৰিছে। মই সেইটো আদৰণি জনাইছো…. সুখী অনুভৱ কৰিছো, বিজেপি আৰু জেডি(এছ)ৰ বুজাবুজি হ’ব। অমিত শ্বাহে (কেন্দ্ৰীয় গৃহমন্ত্ৰী) লোকসভাৰ চাৰিখন আসন (জেডি(এছ)ক) দিবলৈ সন্মত হৈছে।’- চাৰিবাৰৰ মুখ্যমন্ত্ৰীগৰাকীয়ে এইদৰে কয়।
তেওঁ লগতে কয়, ‘এইটোৱে আমাক যথেষ্ট শক্তি প্ৰদান কৰিছে আৰু ই একেলগে ২৫ বা ২৬খন লোকসভাৰ আসন লাভ কৰাত সহায় কৰিব।’ কৰ্ণাটকত ২০১৯ চনৰ লোকসভা নিৰ্বাচনত বিজেপিয়ে ২৫খন আসনত জয়লাভ কৰাৰ বিপৰীতে বিজেপিৰ সমৰ্থিত নিৰ্দলীয় (মাণ্ড্যাৰ পৰা সুমলতা আম্বৰীশ) এখন আসনত জয়লাভ কৰে। কংগ্ৰেছ আৰু জেডি(এছ)য়ে এখনকৈ আসন লাভ কৰে।
