মধ্যপ্ৰদেশ, ছত্তীশগড়, ৰাজস্থান আৰু তেলেংগানাত আজি অব্যাহত আছে ভোটগণনা। ইফালে, ৬ ডিচেম্বৰত দিল্লীত কংগ্ৰেছৰ অধ্যক্ষ মল্লিকাৰ্জুন খাৰ্গেয়ে বিৰোধী মিত্ৰজোঁট INDIAৰ বৈঠক আহ্বান কৰিছে। আচলতে চাৰিখন ৰাজ্যৰ প্ৰাৰম্ভিক ধাৰাত কংগ্ৰেছে যেন কেৱল তেলেংগানাতহে ঠাই পাইছে, ইয়াৰ বাহিৰেও ই আন ৰাজ্যত বিজেপিতকৈ বহু পিছ পৰি আছে।
ইফালে, কংগ্ৰেছৰ অধ্যক্ষ মল্লিকাৰ্জুন খাৰ্গেয়ে বিৰোধী দলসমূহৰ INDIA মিত্ৰজোঁটৰ বৈঠকৰ বাবে আহ্বান জনাইছে। অহা ৬ ডিচেম্বৰত দিল্লীত বিৰোধী দলৰ সমাৱেশ অনুষ্ঠিত হ’ব। অৱশ্যে খৰ্গেয়ে পূর্বেও উল্লেখ কৰিছিল যে পাঁচখন ৰাজ্যৰ ফলাফল ওলোৱাৰ পাছত বিৰোধী মিত্রজোঁটৰ বৈঠক আহ্বান কৰা হ’ব৷ প্ৰাৰম্ভিক ধাৰাত তেলেংগানাত কংগ্ৰেছ চৰকাৰ গঠন হোৱা যেন লাগে।
একে সময়তে ছত্তীশগড়ত কংগ্ৰেছ আৰু বিজেপিৰ মাজত ঘনিষ্ঠ প্ৰতিদ্বন্দ্বিতা দেখা গৈছে, আনহাতে মধ্যপ্ৰদেশ আৰু ৰাজস্থানত বিজেপিয়ে সংখ্যাগৰিষ্ঠতাৰ সীমা অতিক্ৰম কৰিছে।
এই বৈঠকৰ সময়ত অহা বছৰৰ লোকসভা নিৰ্বাচনৰ পূৰ্বে আসন ভাগ-বতৰা সম্পৰ্কে আলোচনা হোৱাৰ সম্ভাৱনা আছে। আপোনালোকক কওঁ যে INDIA মিত্ৰতাৰ প্ৰথমখন বৈঠক পাটনাত আয়োজন কৰা হৈছিল। আনহাতে, দ্বিতীয়খন বৈঠক বেংগালুৰুত আৰু তৃতীয়খন সভা মুম্বাইত আহ্বান কৰা হৈছিল। এতিয়া খৰ্গেয়ে দিল্লীত চতুৰ্থখন বৈঠক আহ্বান কৰিছে।
