ভাৰতত থকা আফগান দূতাবাসে ভাৰত চৰকাৰে নিৰন্তৰ প্ৰত্যাহ্বান সৃষ্টি কৰাৰ অভিযোগ তুলি শুকুৰবাৰে তেওঁলোকৰ কাম – কাজ স্থায়ীভাৱে বন্ধ কৰাৰ কথা ঘোষণা কৰে। আফগান দূতাবাসে ৩০ ছেপ্টেম্বৰত ঘোষণা কৰিছিল যে কাম-কাজ ১ অক্টোবৰৰ পৰা বন্ধ কৰিবলৈ আগবাঢ়ি আছে। সেই সময়ত, মিছনে কৈছিল যে ভাৰত চৰকাৰৰ সমৰ্থনৰ অভাৱ, আফগানিস্তানৰ স্বাৰ্থ পূৰণৰ আশা পূৰণ কৰিব নোৱাৰা আৰু কৰ্মচাৰী আৰু সম্পদৰ অভাৱৰ বাবে এই পদক্ষেপ লোৱা হৈছে। শুকুৰবাৰে জাৰি কৰা এক বিবৃতিত দূতাবাসে কয় যে ২৩ নৱেম্বৰৰ পৰা ভাৰত চৰকাৰে অব্যাহত থকা প্ৰত্যাহ্বানৰ বাবে নতুন দিল্লীত তেওঁলোকৰ কূটনৈতিক অভিযান স্থায়ীভাৱে বন্ধ কৰাৰ কথা ঘোষণা দুখৰ সৈতে কৰিছোঁ। লগতে কয়-২০২৩ ৰ ৩০ ছেপ্টেম্বৰত দূতাবাসৰ কাৰ্যকলাপ বন্ধ হোৱাৰ পিছত এই সিদ্ধান্ত লোৱা হৈছে। নতুন দিল্লীত আফগান দূতাবাসৰ স্বাভাৱিক কাৰ্যকলাপ অব্যাহত ৰখাৰ বাবে ভাৰত চৰকাৰৰ মনোভাৱত অনুকূল পৰিৱৰ্তন হ’ব বুলি আশা কৰি এই পদক্ষেপ লোৱা হৈছিল। আফগান দূতাবাসে কয় যে আঠ সপ্তাহৰ অপেক্ষাৰ পিছতো কূটনীতিবিদসকলৰ বাবে ভিছা সম্প্ৰসাৰণ আৰু ভাৰত চৰকাৰৰ আচৰণৰ পৰিৱৰ্তনৰ উদ্দেশ্য দুৰ্ভাগ্যবশতঃ পূৰণ কৰিব পৰা নগ’ল।
লগতে কয়-তালিবান আৰু ভাৰত চৰকাৰ দুয়োৰে নিয়ন্ত্ৰণ ত্যাগ কৰাৰ নিৰন্তৰ হেঁচাৰ পৰিপ্ৰেক্ষিতত, দূতাবাসে এটা কঠিন বাছনি কৰিব লগা হৈছে। মিছনে কৈছে যে বৰ্তমান ভাৰতত আফগান গণৰাজ্যৰ কোনো কূটনীতিবিদ নাই।
