গোপন সূত্ৰৰ ভিত্তিত কাম কৰি অসম আৰক্ষীৰ বিশেষ টাস্ক ফ’ৰ্চে নগাঁৱৰ বটদ্ৰৱা অঞ্চলত চাৰিজনীয়া গঁড়ৰ খৰ্গ চোৰাংচিকাৰীৰ এটা দলৰ বিৰুদ্ধে অভিযান চলাই শুকুৰবাৰে নিশা এজনক আটক কৰে।
আটকাধীন চোৰাং চিকাৰীটো নগাঁও জিলাৰ লাহৰিঘাটৰ নিবাসী ছাইদুল ইছলাম বুলি জানিব পৰা গৈছে।
লগতে এছটিএফে তেওঁৰ হাতৰ পৰা ৭৫০ গ্ৰাম ওজনৰ এটা গঁড়ৰ খৰ্গ জব্দ কৰে।
ইয়াৰ পিছতে এছটিএফৰ দলটোৱে ছাইদুলৰ সৈতে কাজিৰঙা ৰাষ্ট্ৰীয় উদ্যানৰ বাগৰি ৰেঞ্জলৈ গৈ গঁড়ৰ মৃতদেহটো বিচাৰি উলিয়ায় যদিও আন্ধাৰৰ সুযোগ লৈ চোৰাং চিকাৰীটোৱে পলায়ন কৰিবলৈ সক্ষম হয়।
জানিব পৰা মতে, চোৰাংচিকাৰী দলটোৱে গঁড়ৰ খৰ্গটো বটদ্ৰৱাৰ শান্তিপুৰ বজাৰত বিক্ৰী কৰিবলৈ ক্ৰয় কৰিছিল।
খবৰ অনুসৰি আন তিনিটা চোৰাংচিকাৰীও সেই স্থানৰ পৰা পলায়ন কৰিবলৈ সক্ষম হৈছে।
ইয়াৰ পূৰ্বে নগাঁও আৰক্ষীয়ে দলটোৰ এজন চোৰাং চিকাৰীক লক্ষ্য কৰি গুলীচালনা কৰে, য’ত তেওঁ স্থানৰ পৰা পলাবলৈ চেষ্টা কৰে।
চোৰাং চিকাৰীটোৰ নাম হাতেম আলী।
ইফালে, চাৰিওটা চোৰাং চিকাৰীক আটক কৰিবলৈ এছটিএফৰ দলে অভিযান চলাইছে।
