বৃহস্পতিবাৰে চৰকাৰী ৰে’ল আৰক্ষী (জি আৰ পি) আৰু চি বি আই (কেন্দ্ৰীয় তদন্ত ব্যুৰো)ৰ এটা দলে বঙাইগাঁও ৰে’ল ষ্টেচনত ব্ৰহ্মপুত্ৰ মেইল (উজনিমুৱা-১৫৬৫৭)ৰ এটা ডবাৰ পৰা এটা পিষ্টল আৰু গুলী উদ্ধাৰ কৰে।
চি বি আইৰ এছ আই দিগম্বৰ ডেকা আৰু জি আৰ পিৰ নেতৃত্বত এটা দলে ব্ৰহ্মপুত্ৰ মেইলৰ ডবাত তালাচী অভিযান চলাই ৬৭ নং চিটৰ তলত থকা এছ ৫ নং ডবাটোৰ পৰা বেগৰ ভিতৰত লুকুৱাই থোৱা ১০ ৰাউণ্ড সজীৱ গুলীসহ দুটা দেশত নিৰ্মিত পিষ্টল উদ্ধাৰ কৰে।
চোৰাংচোৱাই প্ৰদান কৰা তথ্যত ভিত্তিত নিউ বঙাইগাঁও জি আৰ পিয়ে দিল্লীৰ পৰা কামাখ্যালৈ যোৱা ১৫৬৫৭ নং ৰেল ( ব্ৰহ্মপুত্ৰ এক্সপ্ৰেছ)ত অস্ত্ৰ আৰু গোলাবাৰুদ থকা এটা বেগ উদ্ধাৰ কৰে।
আৰক্ষীৰ দলটোৱে এই গোচৰৰ দুজন ব্যক্তিক অধিক সোধা-পোছাৰ বাবে আটক কৰে।
