শুকুৰবাৰে পুৱা হাৰিয়ানাৰ শোনিপট জিলাৰ খাৰখোডাৰ সমীপৰ কুণ্ডলী-মনেছাৰ-পালৱাল (কেএমপি) এক্সপ্ৰেছৱে’ত সংঘটিত এক পথ দুৰ্ঘটনাত ৫ জন লোক নিহত হোৱাৰ লগতে ১৬ জন আহত হয়।
উত্তৰ প্ৰদেশৰ পৰা এখন পিক-আপত ধান চপোৱাৰ বাবে ঝজ্জাৰ জিলালৈ আহিছিল লোকসকল।
খাৰখোডাৰ ওচৰ পাওঁতে পিছফালৰ পৰা তীব্ৰ বেগেৰে অহা এখন ট্ৰাকে পিকআপখনত খুন্দা মৰাত এই ভয়াবহ দুৰ্ঘটনা সংঘটিত হয়।
পৰৱৰ্তী সময়ত ঘটনাস্থলীত উপস্থিত হৈ আৰক্ষীয়ে আহত সকলক উদ্ধাৰ কৰি হাস্পতাললৈ প্ৰেৰণ কৰে।
নিহত সকলৰ পৰিচয় এতিয়াও জানিব পৰা হোৱা নাই।
