মহাৰাষ্ট্ৰৰ পুনে জিলাত এখন পিকআপ আৰু দুখন মটৰ চাইকেলৰ সংঘৰ্ষত চাৰিজন লোক নিহত হোৱাৰ লগতে তিনিজন লোক আহত হয়।
আৰক্ষীৰ তথ্য অনুসৰি মৃত লোকসকলৰ ভিতৰত দুটা শিশুও আছে আৰু আহতসকলক ততাতৈয়াকৈ চিকিৎসালয়লৈ প্ৰেৰণ কৰা হয়।
আৰক্ষীয়ে জানিবলৈ দিয়া মতে, পুনে চহৰৰ পৰা প্ৰায় ৯০ কিলোমিটাৰ দূৰত্বত থকা জুন্নাৰ তহচিলৰ আলেগাওঁ গাঁৱৰ সমীপত সোমবাৰে নিশা সংঘটিত হয় এই দুৰ্ঘটনা।
বিপৰীত দিশৰ পৰা অহা এখন পিকআপ ট্ৰাকে আলেগাওঁৰ সমীপত আহমেদনগৰ দিশে যোৱা দুখন মটৰ চাইকেলত খুন্দা মাৰে।
এই সংঘৰ্ষত মটৰ চাইকেল আৰোহী এগৰাকী মহিলা আৰু দুটি শিশুসহ চাৰিজন লোকৰ মৃত্যু হয়।
