পাটনাত অনুষ্ঠিত জি-২০ শ্ৰমিক সন্মিলনৰ ২৩ জুনত সামৰণি পৰিছে। বৈঠকত প্ৰব্ৰজিত শ্ৰমিক, সাৰ্বজনীন সামাজিক সুৰক্ষা, মহিলা আৰু বিভিন্ন কৰ্মৰ ভৱিষ্যতৰ পন্থাৰ ওপৰত আলোচনা কৰা হয়। বৈঠকত ২৮খন দেশৰ প্ৰতিনিধিৰ লগতে বিশেষজ্ঞ, শিক্ষাবিদ আৰু চৰকাৰী বিষয়াসকলেও এই সন্মিলনত অংশগ্ৰহণ কৰে। এই শীৰ্ষ সন্মিলনৰ সময়ত বিভিন্ন উগ্বেগজনক বিষয়ৰ ওপৰত চুক্তিৰ সংক্ষিপ্ত বিৱৰণ দাঙি ধৰা এক প্ৰস্তাৱো গ্ৰহণ কৰা হয়। পিছত ট্ৰইকা দেশসমূহেও এক যুটীয়া বিবৃতি প্ৰকাশ কৰে।
অন্তিম দিনা বৈঠকৰ পূৰ্বে জি-২০ প্ৰতিনিধিসকলে পাটনা চাহিবৰ তখত শ্ৰী হৰমন্দিৰ চাহিব গুৰুদ্বাৰা পৰিদৰ্শন কৰে। বৈঠকৰ অন্তিম দিনা শ্ৰমিক ২০ গোটৰ অধ্যক্ষ হিৰন্ময় পাণ্ডিয়াই জি-২০ৰ অধ্যক্ষতা গ্ৰহণ কৰি ব্ৰাজিলৰ পৰৱৰ্তী অধ্যক্ষ ৰুথ কোয়েলহো মণ্টেইৰ’ক নেতৃত্ব অৰ্পণ কৰিছে। বৈঠকৰ সময়ত বিহাৰলৈ যোৱা দেশ আৰু বিদেশৰ অতিথিসকলক সাংস্কৃতিক কাৰ্যসূচীৰ জৰিয়তে ৰাজ্যখনৰ ইতিহাস আৰু ভৱিষ্যতৰ এক আভাস প্ৰদৰ্শন কৰা হয়। প্ৰতিনিধি তথা অতিথিৰ বাবে প্ৰাচীন নালন্দা বিশ্ববিদ্যালয়লৈ ভ্ৰমণৰো আয়োজন কৰা হয়।
এই বিষয়ে শ্ৰমিক বিশেষজ্ঞ ৰবি ৰমনে কয় যে, “কৃত্ৰিম বুদ্ধিমত্তা আৰু তথ্য আৰু যোগাযোগ প্ৰযুক্তিৰ আগমন আৰু অগ্ৰগতিয়ে কামৰ প্ৰব্ৰজনৰ সমগ্ৰ পৃথিৱীতে পৰিস্থিতি সলনি হৈছে। জি-২০ দেশসমূহে অঞ্চলটোত এই গুৰুত্বপূৰ্ণ পৰিৱৰ্তনসমূহ গ্ৰহণ কৰা উচিত।”
