তিনি মহলীয়া অট্টালিকা খহি পৰি মৃত্যু এজনৰ, ৫ জন আহত

গুজৰাটৰ আহমেদাবাদ চহৰত সোমবাৰে পুৱা এটা জৰাজীৰ্ণ তিনিমহলীয়া অট্টালিকা খহি পৰাৰ ফলত নিহত হয় এজন লোক।

সামান্য আঘাতপ্ৰাপ্ত আন পাঁচজনক উদ্ধাৰ কৰা হৈছে বুলি জানিব পৰা গৈছে।

প্ৰায় ৬০ বছৰ পুৰণি আৰু মিঠাখাই গাম স্থানীয় অঞ্চলত অৱস্থিত জৰাজীৰ্ণ অট্টালিকাটো পুৱা প্ৰায় ৭ বজাত ভাঙি পৰে বুলি নৱৰাংপুৰাৰ আৰক্ষী পৰিদৰ্শক এ এ দেশাইয়ে জানিবলৈ দিয়ে।

ঘটনাৰ খবৰ লাভ কৰাৰ পিছতে ঘটনাস্থলীত উদ্ধাৰকাৰী দল আৰু আৰক্ষী উপস্থিত হৈ আহত সকলক উদ্ধাৰ কৰি হাস্পতাললৈ প্ৰেৰণ কৰে।

নিহত লোকজনৰ পৰিচয় এতিয়াও জানিব পৰা হোৱা নাই।

By editor

Leave a Reply

Your email address will not be published. Required fields are marked *