দীনদয়াল বন্দৰ কৰ্তৃপক্ষই গুজৰাটৰ কান্দলাৰ টুনা-টেক্ৰাত এক মেগা-কণ্টেইনাৰ টাৰ্মিনেলৰ বিকাশৰ বাবে ডিপি ৱৰ্ল্ডৰ সৈতে এক ৰেহাই চুক্তি স্বাক্ষৰ কৰিছে। এই ৰেহাই ২০২৩ চনৰ জানুৱাৰী মাহত দীনদয়াল বন্দৰ কৰ্তৃপক্ষই ডি পি ৱৰ্ল্ডক প্ৰদান কৰিছিল, বিল্ড-অপাৰেট-ট্ৰেন্সফাৰ (বি অ’ টি) ভিত্তিত ৩০ বছৰৰ বাবে প্ৰদান কৰা হৈছে আৰু এই সময়সীমাৰ পিছত পৰৱৰ্তী ২০ বছৰৰ বাবে সম্প্ৰসাৰণ বিকল্পও ৰখা হৈছে।
এই প্ৰকল্পটোত ৰাজহুৱা-ব্যক্তিগত অংশীদাৰিত্ব(পিপিপি)ৰ জৰিয়তে দীনদয়াল বন্দৰৰ চেটেলাইটৰ সুবিধাৰে টুনা-টেক্ৰাত এটা মেগা-কণ্টেইনাৰ টাৰ্মিনেল নিৰ্মাণ কৰা হৈছে। এই টাৰ্মিনেলটোৱে ২০২৭ চনৰ আৰম্ভণিৰে পৰা কাম আৰম্ভ কৰিব বুলি আশা কৰা হৈছে। এবাৰ সম্পূৰ্ণ হোৱাৰ পিছত ইয়াত অন্তৰ্ভুক্ত থাকিব ১১০০ মিটাৰ বাৰ্থ, যিয়ে সাগৰৰ জোৱাৰৰ অভাৱত কোনো প্ৰি-বাৰ্থিং ডিটেনচন অবিহনে ১৮,০০০তকৈ অধিক টিইইউ কঢ়িয়াই নিব পৰা পৰৱৰ্তী প্ৰজন্মৰ জাহাজবোৰ চম্ভালিব পাৰিব আৰু ইয়াৰ মুঠ ক্ষমতা হ’ব বছৰি ২.১৯ মিলিয়ন টিইইউ। নতুন টাৰ্মিনেলটোৱে সমগ্ৰ উত্তৰ, পশ্চিম আৰু মধ্য ভাৰতৰ ভিতৰুৱা অঞ্চলৰ ভৱিষ্যতৰ প্ৰয়োজনীয়তাসমূহ পূৰণ কৰিব আৰু এই অঞ্চলসমূহৰ ব্যৱসায়িক প্ৰতিষ্ঠানসমূহক আন্তঃৰাষ্ট্ৰীয় বজাৰৰ সৈতে সংযোগ কৰি বাণিজ্যক অধিক শক্তিশালী কৰি তুলিব।
এই প্ৰকল্পটো ৰাষ্ট্ৰীয় আন্তঃগাঁথনি পাইপলাইনৰ অংশ হ’ব আৰু ই ভাৰত চৰকাৰৰ পদক্ষেপ, যেনে পিএম গটি শক্তি মাষ্টাৰ প্লেন আৰু ৰাষ্ট্ৰীয় লজিষ্টিক পলিচীৰ পৰিপূৰক হিচাপে কাম কৰিব। ইয়াৰ সৈতে ভাৰত চৰকাৰৰ ভিজন ২০৪৭ৰ সৈতেও মিল আছে, যাৰ লক্ষ্য হৈছে দেশৰ বন্দৰ পৰিচালনা ক্ষমতা আৰু অৰ্থনৈতিক বৃদ্ধিৰ প্ৰসাৰ ঘটোৱা মাল্টিমডেল লজিষ্টিক আন্তঃগাঁথনি বিকাশৰ বাবে কৰা প্ৰচেষ্টাক চাৰিগুণলৈ বৃদ্ধি কৰা। এই নতুন টাৰ্মিনেলটো প্ৰায় ৬৩.৪ হেক্টৰ এলেকাত নিৰ্মাণ কৰা হৈছে আৰু প্ৰায়বোৰ অত্যাধুনিক সুবিধা আৰু সঁজুলিৰে সজ্জিত কৰা হ’ব। টাৰ্মিনেলটো সাধাৰণ ৰাজপথ, ৰাষ্ট্ৰীয় ঘাইপথ, ৰে’লপথ আৰু সমৰ্পিত ফ্ৰেইট কৰিডৰ নেটৱৰ্কৰ জৰিয়তে দেশৰ ভিতৰুৱা অঞ্চলৰ সৈতে ভালদৰে সংযুক্ত হ’ব।
