ছত্তীশগড়ৰ নক্সাল প্ৰভাৱিত অঞ্চল সুকমাত আয়োজন কৰা এখন ৰাজহুৱা সভাত ৩৩ জন নক্সালবাদীয়ে একেলগে আত্মসমৰ্পণ কৰে। এনে বহু পুৰস্কাৰ নক্সালবাদীও অন্তৰ্ভুক্ত কৰা হৈছে।
আৰক্ষী অধীক্ষকৰ উপস্থিতিত আত্মসমৰ্পণ কৰে নক্সালবাদী কেইজনে। সুকমা আৰক্ষী অধীক্ষক সুনীল শৰ্মাই জানিবলৈ দিয়া মতে, মঙলবাৰে জিলাখনৰ ডব্বামাৰকা শিবিৰত আয়োজন কৰা ‘জন দৰ্শন’ কাৰ্যসূচীৰ সময়ত মাওবাদীয়ে আৰক্ষীৰ সন্মুখত আত্মসমৰ্পণ কৰে।
আত্মসমৰ্পণ কৰাসকলৰ ভিতৰত আছে দণ্ডকাৰণ্য আদিবাসী কিষাণ মজদুৰ সংগঠনৰ সভাপতি দিৰ্দো মুডা, চেতনা নাট্য মণ্ডলী (নক্সালৰ সাংস্কৃতিক সংগঠন)ৰ সভাপতি হিদমা আৰু মিলিচীয়া অধিনায়ক ৱাজাম হিদমা। প্ৰত্যেকৰে ওপৰত এক লাখ টকাৰ পুৰস্কাৰ আছিল। তেওঁ নিজৰ নিষিদ্ধ সংগঠনৰ “ফোকা মতাদৰ্শ”ৰ প্ৰতি মোহভংগ হোৱা বুলি কয় আৰু মূলসুঁতিত যোগদান কৰিবলৈ অস্ত্ৰসম্বৰন কৰে।
বিষয়াগৰাকীয়ে কয় যে আত্মসমৰ্পণ কৰাসকল বিগত সময়ত সুকমা জিলাৰ কিস্তাৰাম অঞ্চলত সংঘটিত কেইবাটাও কাণ্ডৰ সৈতে জড়িত বুলি অভিযোগ উত্থাপন হৈছে। জিলাখনত নতুন শিবিৰ স্থাপনৰ ফলত গাঁওবাসীৰ ওপৰত অনুকূল প্ৰভাৱ পৰাৰ কথা উল্লেখ কৰে আৰক্ষী অধীক্ষকগৰাকীয়ে। এই শিবিৰসমূহ স্থাপনৰ পিছত উন্নয়নমূলক কাম-কাজত আপ্লুত হৈ আত্মসমৰ্পণ কৰিছে নক্সালবাদীয়ে। স্থানীয় ডাব্বামাৰকাত শিবিৰ মুকলি কৰাৰ তৃতীয় দিনাইহে আৰক্ষীৰ প্ৰভাৱ চৰ্চালৈ আহিছে। আৰক্ষীয়ে জনোৱা মতে, যদিও গাঁওবাসীয়ে এই শিবিৰসমূহৰ বিৰোধিতা কৰি আহিছে, কিন্তু ইয়াৰ ইতিবাচক দিশটোও চৰ্চালৈ আহিছে।
