অসমৰ মুখ্যমন্ত্ৰী হিমন্ত বিশ্ব শৰ্মাই অহা ১০ জুনত (শনিবাৰে) হিংসাত্মক পৰিস্থিতিত আক্ৰান্ত মণিপুৰ ভ্ৰমণ কৰিব বুলি শুকুৰবাৰে জানিব পৰা গৈছে।
সূত্ৰৰ পৰা জানিব পৰা মতে, মণিপুৰৰ মুখ্যমন্ত্ৰী এন বীৰেন সিঙক সাক্ষাৎ কৰিব মুখ্যমন্ত্ৰীগৰাকীয়ে। যোৱা মাহত ৰাজ্যখনত ব্যাপক হিংসাত্মক পৰিস্থিতিৰ সৃষ্টি হোৱা বিষয়সমূহৰ ওপৰত এই যুটিয়ে আলোচনা কৰাৰ কথা আছে।
অনুসূচিত জনজাতি (এছ টি)ৰ মৰ্যাদা লাভৰ বাবে মেইটেই জনগোষ্ঠীৰ দাবীৰ প্ৰতিবাদত পাহাৰীয়া জিলাসমূহত ‘জনজাতি সংহতি মৰ্চা’ৰ আয়োজন কৰাৰ পিছতে মণিপুৰত হিংসাত্মক পৰিস্থিতিৰ সৃষ্টি হয়।
কেন্দ্ৰীয় গৃহমন্ত্ৰী অমিত শ্বাহে চাৰিদিনীয়া ৰাজ্য ভ্ৰমণৰ সময়ত কঠোৰ সতৰ্কবাণী জাৰি কৰি কয় যে যিসকলে অস্ত্ৰ আত্মসমৰ্পণ কৰিবলৈ অস্বীকাৰ কৰে তেওঁলোকৰ বিৰুদ্ধে কঠোৰ ব্যৱস্থা গ্ৰহণ কৰা হ’ব। ইয়াৰ এদিন পিছতে ৰাজ্যৰ বিভিন্ন স্থানত কমেও ১৪০টা অস্ত্ৰ-শস্ত্ৰ আত্মসমৰ্পণ কৰা হয়।
ইফালে, নিৰাপত্তা বাহিনীসমূহে সমাজৰ সকলো শ্ৰেণীৰ মাজত স্থায়ী আত্মবিশ্বাস গঢ়ি তোলা ব্যৱস্থাৰ জৰিয়তে হিংসা নিয়ন্ত্ৰণ আৰু সমাজখনক নিৰস্ত্ৰ কৰাৰ দিশত অহৰহ কাম কৰি আছে।
ৰাজ্যখনৰ হিলছ আৰু ভেলী ছেক্টৰ দুয়োটাতে স্পৰ্শকাতৰ অঞ্চলত নিৰাপত্তা বাহিনীয়ে যৌথ কম্বিং অভিযান চলাই আহিছে। স্থানীয় জনসাধাৰণৰ অবৈধ জিম্মাত এতিয়াও থকা কাঢ়ি লোৱা অস্ত্ৰ উদ্ধাৰৰ উপৰিও শাৰীৰিক আধিপত্যৰ জৰিয়তে সম্প্ৰদায়সমূহৰ মাজত উত্তেজনা হ্ৰাস কৰাৰ লক্ষ্যৰে এই কম্বিং অভিযান।
