সুলভ মূল্যত গ্ৰন্থ বিক্ৰীৰ ক্ষেত্ৰত প্ৰখ্যাত কিতাব লভাৰ্ছৰ উদ্যোগত কলকাতাত ৪ দিনীয়াকৈ আয়োজন কৰা হৈছে গ্ৰন্থমেলাৰ। ২৫ মে’ৰ পৰা বেলিগঞ্জৰ ডেভাৰ টেৰেছৰ গৰিয়াহাট ৰোডৰ সিংঘী পেলেচত আৰম্ভ হোৱা গ্ৰন্থমেলাখন ২৮ মে’ত সামৰণি পৰিব।
কিতাব লভাৰ্ছৰ গ্ৰন্থমেলাক বিশেষ কৰি তোলে ইয়াৰ উদ্ভাৱনীমূলক ‘লোড দ্য বক্স’ ধাৰণাই, য’ত মেলালৈ যোৱা গ্ৰাহকে এটা বক্সৰ বাবে এবাৰ পৰিশোধ কৰিব পাৰে আৰু বাকচটোত যিমান কিতাপ ৰাখিব পাৰে সিমান কিতাপেৰে বাকচটো ভৰাই ল’ব পাৰে। ১১৯৯ টকাৰ পৰা ২৯৯৯ টকালৈকে তিনিটা আকাৰত উপলব্ধ এই বাকচ।
২০১৯ চনত আৰম্ভণিৰে পৰা কিতাব লভাৰ্ছে সমগ্ৰ ভাৰতৰ ২০খন চহৰত ৫০খনতকৈও অধিক গ্ৰন্থমেলা আয়োজন কৰিছে। ‘লোড দ্য বক্স’ অভিযানৰ জৰিয়তে কিতাব লভাৰ্ছে এক অভিলাষী অভিযানত আগবাঢ়িছে। প্ৰতিজন ভাৰতীয়ৰ বাবে পঢ়া-শুনাক সুলভ আৰু সহজ কৰি তোলা আৰু অধ্যয়নৰ প্ৰতি থকা স্পৃহা আৰু আনন্দ সমগ্ৰ দেশতে বিয়পাই দিয়া। ইয়াৰ লগতে গ্ৰন্থমেলাত প্ৰতিযোগিতাৰো আয়োজন কৰা হৈছে আৰু বিজয়ীসকলক বিনামূলীয়া কিতাপৰ বাকচ আৰু ৰেহাইৰ ভাউচাৰেৰে পুৰস্কৃত কৰা হ’ব।
