ডিজিটেল ডেস্কঃ কৰ’মেণ্ডেল এক্সপ্ৰেছ দুৰ্ঘটনাত মৃতকৰ সহায়ৰ বাবে বিজেপি সাংসদ বৰুণ গান্ধীৰ বিশেষ আহ্বান। তেওঁ কয় যে দেশৰ প্ৰতিজন সাংসদে নিজৰ ধন দান কৰি ভুক্তভোগীক সহায় কৰিব লাগে। কাৰণ এই পৰিস্থিতিত সকলোৱে ক্ষতিগ্ৰস্ত পৰিয়ালৰ কাষত থিয় দিব লাগে। এই ভয়াবহ ৰে’ল দুৰ্ঘটনাত মৃত্যু হোৱা লোকৰ সংখ্যা ইতিমধ্যে ২৮৮ গৰাকী হৈছেগৈ। অৱশ্যে ওড়িশা চৰকাৰৰ তথ্য অনুসৰি মুঠ ২৭৫ জন লোকৰ মৃত্যু হৈছে।
শুকুৰবাৰৰ দুৰ্ঘটনাক লৈ দেশ-বিদেশৰ কেইবাগৰাকীও নেতাই শোক প্ৰকাশ কৰিছে। প্ৰধানমন্ত্ৰী নৰেন্দ্ৰ মোডী, ৰেল মন্ত্ৰী অশ্বিনী বৈষ্ণৱে সেই স্থান পৰিদৰ্শন কৰি উদ্ধাৰ কাম পৰিদৰ্শন কৰে। ইতিমধ্যে নিহত পৰিয়াললৈ আৰ্থিক সাহায্যৰ কথা ঘোষণা কৰা হৈছে। বিজেপিৰ সাংসদ বৰুণ গান্ধীয়ে এনে পৰিস্থিতিত সাংসদসকলক সুকীয়াকৈ দায়িত্ব ল’বলৈ অনুৰোধ জনায়।
টুইট কৰি তেওঁ কয়, ‘ওড়িশাত সংঘটিত হোৱা ৰে’ল দুৰ্ঘটনাটো একেবাৰে হৃদয়বিদাৰক। ভুক্তভোগীৰ পৰিয়ালৰ কাষত এতিয়া দৃঢ়তাৰে থিয় দিব লাগিব। মোৰ সকলো সতীৰ্থক অনুৰোধ কৰি, এই পৰিয়ালবোৰক সহায় কৰিবলৈ দৰমহাৰ এটা অংশ দান কৰক। প্ৰথমে তেওঁলোকক সহায়ৰ প্ৰয়োজন।”
প্ৰসংগক্ৰমে মুখ্যমন্ত্ৰী মমতা বেনাৰ্জীয়ে ৰে’লৰ লগতে আহতসকলক আৰ্থিক সাহায্য দিয়াৰ কথা ঘোষণা কৰিছে। ৰাজ্যৰ মৃত নাগৰিকক ৫ লাখ টকাৰ সাহায্য প্ৰদান কৰা হ’ব। লগতে গুৰুতৰভাৱে আহতসকলৰ বাবে ১ লাখ আৰু তুলনামূলকভাৱে সামান্য আঘাতপ্ৰাপ্ত লোকৰ বাবে ৫০ হাজাৰ টকা দিয়া হ’ব। জানিব পৰা মতে দুৰ্ঘটনাস্থলীত উদ্ধাৰৰ কাম সম্পূৰ্ণ হৈছে। বৰ্তমান বালাছোৰত চলি আছে ক্ষতিগ্ৰস্ত ৰেলৰ ডবাটো আঁতৰোৱাৰ কাম।
