প্ৰবীণ ক্ৰীড়া প্ৰশাসক নৰিন্দৰ বাত্ৰাই সোমবাৰে আন্তঃৰাষ্ট্ৰীয় হকী ফেডাৰেচন (এফআইএইচ)ৰ সভাপতি পদৰ পৰা পদত্যাগ কৰে আৰু লগতে আন্তঃৰাষ্ট্ৰীয় অলিম্পিক সমিতিৰ (আইঅ’চি) সদস্য পদ ত্যাগ কৰে। ২৫ মে’ত দিল্লী উচ্চ ন্যায়ালয়ে হকী ইণ্ডিয়াত এজন ‘আজীৱন সদস্য’ৰ পদ বাতিল কৰাৰ পিছত বাত্ৰাই আন্তৰ্জাতিক অলিম্পিক সংস্থাৰ (আইঅএ) সভাপতি পদ ত্যাগ কৰিব লগা হৈছিল। বাত্ৰাই ২০১৭ চনত হকী ইণ্ডিয়াৰ আজীৱন সদস্য হিচাপে আইঅ’এ নিৰ্বাচনত প্ৰতিদ্বন্দিতা কৰিছিল আৰু জিকিছিল। তিনিখন পৃথক পত্ৰৰ জৰিয়তে, বাত্ৰাই আনুষ্ঠানিকভাৱে আইঅ’এ, আইঅ’চি. আৰু এফআইএইচ-ত তেওঁৰ পদৰ পৰা পদত্যাগ কৰে। উল্লেখ্য যে বাত্ৰাৰ আইঅ’চি সদস্যপদ তেওঁৰ আইঅ’এ ৰ সভাপতিত্বৰ সৈতে জড়িত আছিল কিন্তু এফআইএইচৰ পৰা তেওঁৰ পদত্যাগ এক আচৰিত কথা যিহেতু তেওঁ মে’ত কৈছিল যে তেওঁ এতিয়া বিশ্ব হকী সংস্থাত তেওঁৰ কামত মনোনিবেশ কৰিব বিচাৰে।
