এছিয়ান ভাৰোত্তোলন চেম্পিয়নশ্বিপত ভাৰতক প্ৰতিনিধিত্ব কৰিব গোলাম টিংকু-কাম্পু ডিগিঅ'

১৫-২৫ জুলাইলৈ উজবেকিস্তানৰ তাচখন্দত অনুষ্ঠিত হ’বলগীয়া এছিয়ান ভাৰোত্তোলন চেম্পিয়নশ্বিপত ভাৰতক প্ৰতিনিধিত্ব কৰিবলৈ ভাৰতীয় ভাৰোত্তোলন ফেডাৰেশ্যনে গোলাম টিংকু (৬১ কিলোগ্ৰাম) আৰু কাম্পু ডিগিঅ’ক (৬৭ কিলোগ্ৰাম) নিৰ্বাচিত কৰিছে। অৰুণাচল ভাৰোত্তোলন সংস্থাৰ উপ-সভাপতি ডেনিয়েল তেলীয়ে এক বিজ্ঞপ্তিত কয় যে ওড়িশাৰ ভুৱনেশ্বৰত অনুষ্ঠিত যোৱা যুৱ ৰাষ্ট্ৰীয় ভাৰোত্তোলন চেম্পিয়নশ্বিপত টিংকুৱে ব্ৰঞ্জৰ পদক জিকিছিল, আনহাতে মেক্সিকোৰ লিয়’নত শেহতীয়াকৈ সমাপ্ত হোৱা আইডব্লিউএফ যুৱ বিশ্ব ভাৰোত্তোলন চেম্পিয়নশ্বিপত ডেগিঅ’ই ভাৰতক প্ৰতিনিধিত্ব কৰিছিল। আনহাতে, যোৱা ছিজনত ৰাজস্থান য়ুনাইটেড এফ চিৰ সৈতে হিৰো আই-লীগত আত্মপ্ৰকাশ কৰা অৰুণাচল প্ৰদেশৰ এজন প্ৰতিশ্ৰুতিশীল ফুটবল খেলুৱৈ জিমাৰ নিকামক ২৩ জুনৰ পৰা অল ইণ্ডিয়া ফুটবল ফেডাৰেশ্যনে ওড়িশাৰ ভুৱনেশ্বৰত অনুষ্ঠিত হ’বলগীয়া ৰাষ্ট্ৰীয় অনুৰ্ধ-২০ প্ৰশিক্ষণ শিবিৰৰ বাবে আহ্বান জনাইছে।