টয়োটা কিৰ্লোস্কাৰ মটৰে (টিকেএম) কৰ্ণাটক চৰকাৰৰ সৈতে নতুন বিনিয়োগৰ জৰিয়তে দেশত নিজৰ কাৰ্য-কলাপ বৃদ্ধিৰ বাবে এক বুজাবুজিৰ চুক্তিত স্বাক্ষৰ কৰিছে। নতুন প্ৰকল্পটোৱে বছৰি ১,০০,০০০ ইউনিট উৎপাদন ক্ষমতা বৃদ্ধি কৰিব আৰু প্ৰায় ২০০০ অতিৰিক্ত নিয়োগ সৃষ্টি কৰিব বুলি আশা কৰা হৈছে। ভাৰতৰ বেংগালুৰুৰ সমীপৰ বিদাড়িত ২৫ বছৰীয়া কাম-কাজ উপলক্ষে টিকেএমৰ নতুন কাৰখানাত ৩৩০০ কোটি টকা বিনিয়োগ কৰিছে।
এই বিনিয়োগে স্থানীয় উৎপাদন পৰিৱেশ ব্যৱস্থাক উন্নীত কৰিব আৰু “সকলোৰে বাবে গতিশীলতা”ৰ বাবে নতুন প্ৰযুক্তিৰ প্ৰৱৰ্তন কৰিব। ভাৰতত কোম্পানীটোৰ তৃতীয় প্ৰকল্পটোৱে যোগানকৰ্তা পৰিস্থিতিতন্ত্ৰত প্ৰত্যাশিত বিকাশৰ বাবে নিয়োগৰ সুযোগ সৃষ্টি কৰিব।টয়োটা কিৰ্লোস্কাৰ মটৰৰ সৈতে কৰ্ণাটক চৰকাৰে এক বুজাবুজিৰ চুক্তি স্বাক্ষৰ কৰে, এই চুক্তিত স্বাক্ষৰ কৰে কৰ্ণাটকৰ মুখ্যমন্ত্ৰী ছিদ্দাৰামাইয়া আৰু টয়োটাৰ পৰিচালন সঞ্চালক মাছাকাজু য়োশিমুৰাই।
কৰ্ণাটক চৰকাৰৰ বৃহৎ আৰু মজলীয়া উদ্যোগ আৰু আন্তঃগাঁথনি উন্নয়ন বিভাগৰ মন্ত্ৰী এম বি পাটিলৰ লগতে টয়োটা কিৰ্লোস্কাৰ মটৰৰ অন্যান্য বিশিষ্ট ব্যক্তি আৰু শীৰ্ষ কাৰ্যবাহীসকলৰ উপস্থিতিত এই চুক্তি স্বাক্ষৰ কৰা হয়। চুক্তি স্বাক্ষৰৰ পিছতে কৰ্ণাটক চৰকাৰৰ বৃহৎ আৰু মজলীয়া উদ্যোগ আৰু আন্তঃগাঁথনি উন্নয়ন বিভাগৰ মন্ত্ৰী এম বি পাটিলে কয় যে, “ৰাজ্যত প্ৰায় ২ লাখ ইভি পঞ্জীয়নে প্ৰমাণ কৰে যে কৰ্ণাটক গতিশীলতাৰ দৃশ্যপটক নতুন ৰূপ দিয়াত দৃঢ় আৰু অটল।”
