ইংলেণ্ডৰ বেটছমেন লিয়াম লিভিংষ্টনে এই সপ্তাহৰ ভিতৰত ইংলেণ্ড এণ্ড ৱেলছ ক্ৰিকেট ব’ৰ্ডৰ (ইচিবি) পৰা ইণ্ডিয়ান প্ৰিমিয়াৰ লীগত (আই পি এল) খেলিবলৈ ফিটনেছ ক্লিয়াৰেন্স লাভ কৰিব ,যি তেওঁ ১০ এপ্ৰিলত তেওঁৰ দল পাঞ্জাৱ কিংছত যোগদান কৰিব। চাৰি মাহৰ পূৰ্বে পাকিস্তানত তেওঁৰ টেষ্ট অভিষেকৰ সময়ত লিভিংষ্টোন আঘাতপ্ৰাপ্ত হৈছিল। তেওঁ আঁঠুত আঘাত পাইছিল, যাৰ বাবে তেওঁ তাৰ পিছত প্ৰতিযোগিতামূলক ক্ৰিকেট খেলিব পৰা নাই। ইফালে, তেওঁৰ যোৱা বছৰৰ গোৰোহাৰ আঘাততো ভুগি আছে। আইপিএলৰ এটা সূত্ৰই কয় যে লিভিংষ্টোন ১০ এপ্ৰিলত ভাৰতলৈ আহিব। তেওঁ সোমবাৰে ভাৰতত উপস্থিত হ’ব। উল্লেখ্য যে পঞ্জাৱ কিংছে ৯ এপ্ৰিলত ছানৰাইজাৰ্ছ হায়দৰাবাদৰ বিৰুদ্ধে তেওঁলোকৰ পৰৱৰ্তী খেলখন খেলিব আৰু এইটো নিশ্চিত যে দলটোৱে এই খেলখনত লিভিংষ্টোনৰ সেৱা লাভ নকৰিব। অৱশ্যে, তেওঁ ১৩ এপ্ৰিলত দলটোৰ ছিজনৰ চতুৰ্থখন খেলৰ বাবে খেলপথাৰলৈ যাব পাৰে। লিভিংষ্টনে বৃহস্পতিবাৰে কৈছিল যে তেওঁ সম্পূৰ্ণ ফিটনেছ ঘূৰাই পোৱাৰ ওচৰত আছে। লিভিংষ্টোন পঞ্জাৱ কিংছৰ বাবে এজন গুৰুত্বপূৰ্ণ খেলুৱৈ। দলটোৱে তেওঁক যোৱা বছৰ নিলামৰ আগতে ১১.৫০ কোটি টকাৰ চুক্তিত ৰাখিছিল। তেওঁ যোৱা ছিজনত ১৮২.০৮ ৰ ষ্ট্ৰাইক ৰেটত ৪৩৭ ৰান সংগ্ৰহ কৰিছিল।
