ভাৰত চৰকাৰৰ বস্ত্ৰ মন্ত্ৰালয়ৰ উন্নয়ন আয়ুক্ত (হস্ততাঁত)ৰ উদ্যোগত আয়োজন কৰা হৈছে বিৰাছত স্পেচিয়েল হেণ্ডলুম এক্সপ’ৰ। অহা ৮ জানুৱাৰীৰ পৰা ১৪ জানুৱাৰীলৈ গুৱাহাটীৰ ফাঁচী বজাৰৰ ৪ নং ৰেলৱে গেটৰ সমীপৰ এম এছ ৰোডত অৱস্থিত মহাবীৰ ধৰ্ম স্থলত প্ৰতিদিনে পুৱা ১১ বজাৰ পৰা নিশা ৮:০০ বজালৈ দৰ্শনাৰ্থীয়ে প্ৰদৰ্শনী উপভোগ আৰু সামগ্ৰী ক্ৰয় কৰিব পাৰিব। এই এক্সপ’ত মুগা, এৰি, মেখেলা চাদৰ, বেনাৰসী, জামদানী, মধুবনী, কোছা, ইক্কাট, পাটোলা, তুছাৰ ৰেচম, মহেশ্বৰী, মইৰাং ফি, কোটা দৰিয়া, ভাগলপুৰী, ব্লক প্ৰিণ্টেড, ফুলকাৰী, লহেৰিয়া, খাণ্ডুৱা আৰু স্থানীয় জনগোষ্ঠীয় বস্ত্ৰ সম্ভাৰ থাকিব। মন্ত্ৰালয়ে সকলো শিপিনীক একত্ৰিত কৰিছে যাতে শিপিনীসকলে ক্ৰেতাসকলক পোনপটীয়াকৈ সাক্ষাৎ কৰিব পাৰে যাতে ন্যায্য বাণিজ্য আৰু বয়ন সামগ্ৰীসমূহ নিশ্চিত হয়।
দৰ্শনাৰ্থীসকলক পোনপটীয়াকৈ বয়ন কাৰ্য প্ৰদৰ্শন কৰিলৈ সুযোগ দিয়া হ’ব, যাৰ জৰিয়তে দৰ্শনাৰ্থী-গ্ৰাহকসকলে এই কালজয়ী বস্ত্ৰসম্ভাৰৰ আঁৰত থকা জটিল-সূক্ষ্ম প্ৰক্ৰিয়াবোৰৰ বাস্তৱ-সময়ৰ অনুভৱ প্ৰদান কৰিব পাৰিব। প্ৰদৰ্শনীত শাৰী, মেখেলা-চাদৰ আৰু গৰম পোচাকৰ পৰা আৰম্ভ কৰি গৃহসজ্জা আৰু বিবিধ সামগ্ৰী উপলব্ধ হ’ব, সকলোবোৰ উল্লেখনীয় দক্ষতা আৰু বিৱৰণৰ প্ৰতি বিশেষ মনোযোগেৰে তৈয়াৰ কৰা হৈছে।
#MyHandloomMyPride আৰু #MyProductMyPride অভিযানৰ অংশ হিচাপে অনুষ্ঠিত হোৱা বিৰাছত বিশেষ হস্ততাঁত এক্সপ’ত বহনক্ষম আৰু নান্দনিক ফেশ্বন জগতৰ সৈতে ভাৰতীয় হস্ততাঁত খণ্ডৰ ঐতিহ্যৰ প্ৰাসংগিকতাৰ ওপৰত গুৰুত্ব আৰোপ কৰা হৈছে। প্ৰদৰ্শনীলৈ যোৱা লোকসকলে শিপিনীসকলৰ অৰ্থনৈতিক ক্ষেত্ৰখনলৈ উৎসাহিত কৰাৰ লগতে এই খণ্ডৰ সামগ্ৰী আৰু বস্ত্ৰ কলাৰ ঐতিহ্যক সমৰ্থন জনাইছে। বিনামূলীয়া প্ৰৱেশৰ ব্যৱস্থা কৰা বস্ত্ৰ মন্ত্ৰালয়ে গুৱাহাটী আৰু আন আন অসমৰ লোকসকলক ভাৰতীয় হস্ততাঁত আৰু শিল্পকলাৰ এই স্পন্দনশীল উদযাপনত অংশগ্ৰহণ কৰিবলৈ আমন্ত্ৰণ জনাইছে। এই এক্সপ’ই সকলো অংশগ্ৰহণকাৰীৰ বাবে এক দৃশ্যগত আৰু সাংস্কৃতিক সংমিশ্ৰণৰ প্ৰতিশ্ৰুতি দিছে।
