ভাৰতৰ সম্পদ ব্যৱস্থাপনা উদ্যোগৰ শীৰ্ষস্থানীয় প্ৰতিষ্ঠান ইউটিআই এচেট মেনেজমেণ্ট কোম্পানীয়ে ডিব্ৰুগড়ত নতুন ইউটিআই ফাইনেন্সিয়েল চেণ্টাৰ (ইউএফচি) মুকলি কৰাৰ কথা ঘোষণা কৰিছে। নতুন বিত্তীয় কেন্দ্ৰটোৰ ঠিকনা হৈছে, প্ৰথম মহলা, হাউচ অৱ সুভাষ চন্দ্ৰ জৈন, নিউ মাৰ্কেট, এইচ এছ ৰোড, হোটেল ইষ্ট এণ্ডৰ সমীপত। এই সম্প্ৰসাৰণ সমগ্ৰ দক্ষিণ, পূব আৰু উত্তৰ-পূব ভাৰতত বিত্তীয় অন্তৰ্ভুক্তি বৃদ্ধিৰ বাবে বিস্তৃত পদক্ষেপৰ অংশ, এই ১৯টা নতুন কেন্দ্ৰ ২০২৪ চনৰ ১৮ নৱেম্বৰত শুভাৰম্ভ হ’ব।
এই সম্প্ৰসাৰণৰ তাৎপৰ্যৰ ওপৰত আলোকপাত কৰি ইউটিআই মিউচুৱেল ফাণ্ডৰ এমডি তথা মুখ্য কাৰ্যবাহী বিষয়া ইমতায়াজুৰ ৰহমানে কয় যে, “আমি আমাৰ সুবিধাসমূহ অবিৰামভাৱে প্ৰদান বা প্ৰৱেশাধিকাৰ নিশ্চিত কৰিবলৈ কৌশলগতভাৱে নতুন ইউটিআই বিত্তীয় কেন্দ্ৰ মুকলি কৰিছোঁ। বি৩০ চহৰসমূহত ব্যক্তিগত বিনিয়োগকাৰীৰ অংশগ্ৰহণ বৃদ্ধি যথেষ্ট লক্ষণীয় আৰু উৎসাহজনক। আমাৰ লক্ষ্য হৈছে মিউচুৱেল ফাণ্ডৰ বিনিয়োগ সকলোৰে বাবে উপলব্ধ কৰা।”
ডিব্ৰুগড়ত এই ফাইনেঞ্চিয়েল চেণ্টাৰ মুকলিয়ে চহৰখনলৈ প্ৰতিশ্ৰুতি কঢ়িয়াই আনিছে, যিয়ে ইউটিআইৰ বিত্তীয় সামগ্ৰীৰ পৰিসৰৰ অধিক প্ৰৱেশ বা ব্যৱহাৰৰ জৰিয়তে বজাৰখনে লাভৱান হ’বলৈ সাজু হৈছে। সৰু সৰু চহৰসমূহত সজাগতা বৃদ্ধিৰ বাবে ইউটিআইৰ মিছনৰ সৈতে সংগতি ৰাখি বি৩০ শিতানৰ বিনিয়োগকাৰীক আকৰ্ষণ কৰাৰ লক্ষ্য ৰাখিছে এই কেন্দ্ৰসমূহে। ইউটিআইৰ নেটৱৰ্কত ব্যৱসায়িক বিকাশ সহযোগী, মিউচুৱেল ফাণ্ড বিতৰক আৰু বেংকৰ সৈতে অংশীদাৰিত্বও অন্তৰ্ভুক্ত কৰা হৈছে, যিয়ে সমগ্ৰ ভাৰতত বিনিয়োগকাৰীসকলৰ বাবে ব্যাপক প্ৰসাৰ আৰু সমৰ্থন নিশ্চিত কৰে।
