টিভিএছ মটৰ কোম্পানীয়ে ভাৰতৰ ১৭ খন চহৰৰ ১,০০০তকৈও অধিক বাইক চালকক একত্ৰিত কৰি এক দেশজোৰা ৰেলীৰ জৰিয়তে বিশ্ব মটৰচাইকেল দিৱস উদযাপন কৰে। এই কাৰ্যসূচীৰ উদ্দেশ্য আছিল সুৰক্ষিত আৰু দায়িত্বশীল মটৰচাইকেল চালনাক উদগনি যোগোৱা। এই পদক্ষেপত টিভিএছ আপাচে অওনাৰ্ছ গ্ৰুপ (এঅ’জি) আৰু টিভিএছ ৰনিন ৰাইডিং কমিউনিটীৰ সদস্যসকলে অংশগ্ৰহণ কৰে, যিয়ে পথ সুৰক্ষা সজাগতা বৃদ্ধিৰ লগতে এক শক্তিশালী ৰাইডিং সংস্কৃতি গঢ়ি তোলাৰ ক্ষেত্ৰত প্ৰতিষ্ঠানটোৰ গুৰুত্বক প্ৰতিফলিত কৰে। এই বাইক ৰেলীসমূহ মূলতঃ পথ সুৰক্ষাৰ কেইটামান বিশেষ বাৰ্তাৰ ওপৰত কেন্দ্ৰিত আছিল, যাৰ ভিতৰত আছিল সুৰক্ষামূলক ৰাইডিং গিয়েৰ ব্যৱহাৰ কৰা, যাতায়তৰ নিয়মসমূহ মানি চলা, দায়িত্বশীল বাহন চালনা প্ৰদৰ্শন কৰা আৰু স্থানীয় সমাজ তথা ৰাজহুৱা স্থানসমূহৰ প্ৰতি সন্মান প্ৰদৰ্শন কৰা। টিভিএছ মটৰে কয় যে এই প্ৰচাৰ অভিযানে এই বিশ্বাসকে প্ৰতিফলিত কৰে যে মটৰচাইকেল চলোৱাৰ প্ৰকৃত মনোভাৱ কেৱল দুঃসাহসিক অভিযান আৰু প্ৰদৰ্শনতে সীমাবদ্ধ নহয়, বৰঞ্চ পথৰ ওপৰত সুৰক্ষা আৰু শৃংখলা ৰক্ষাও সমানে অন্তৰ্ভুক্ত।
টিভিএছ মটৰ কোম্পানীৰ প্ৰিমিয়াম বিজনেছৰ মুৰব্বী বিমল চুম্বলীয়ে এই উপলক্ষে মন্তব্য কৰি কয় যে, এই পদক্ষেপে মটৰচাইকেল চলোৱাৰ স্বতন্ত্ৰতা, দায়িত্ব আৰু ভাতৃত্ববোধক প্ৰতিনিধিত্ব কৰে। তেওঁ লগতে উল্লেখ কৰে যে, এই উদযাপন টিভিএছ আপাচে ব্ৰেণ্ডৰ ২০ সংখ্যক বৰ্ষপূৰ্তিৰ সৈতেও সংগতি আছে। কোম্পানীটোৱে জনায় যে বৰ্তমান বিশ্বজুৰি টিভিএছ আপাচেৰ ৬.৫ মিলিয়নতকৈও অধিক গ্ৰাহক আছে আৰু ইয়াৰ ৰাইডিং কমিউনিটীত পঞ্জীয়নভুক্ত সদস্যৰ সংখ্যা ৫ লাখ অতিক্ৰম কৰিছে। বেংগালুৰুত এই অভিযানৰ মূল ৰেলী অনুষ্ঠিত হয়, য’ত ১০০তকৈও অধিক গ্ৰাহক আৰু কমিউনিটীৰ সদস্যই অংশগ্ৰহণ কৰে। এই অনুষ্ঠানত বাইক চালকসকলৰ মাজত মত-বিনিময়, বিশেষ অভিজ্ঞতাৰ আদান-প্ৰদান আৰু অভিজ্ঞ মটৰচাইকেল চালকসকলৰ সৈতে আলোচনা আদি অন্তৰ্ভুক্ত কৰা হৈছিল।
এই পদক্ষেপৰ প্ৰভাৱ গুৱাহাটী মহানগৰীতো যথেষ্টভাৱে পৰিলক্ষিত হ’ব বুলি আশা কৰা হৈছে, কিয়নো শেহতীয়া বছৰবোৰত ইয়াত মটৰচাইকেলৰ গৰাকী আৰু ৰাইডিং কমিউনিটীসমূহৰ সংখ্যা ক্ৰমাগতভাৱে বৃদ্ধি পাইছে। অসম তথা উত্তৰ-পূবৰ যুৱ বাইক চালকসকলৰ মাজত পথ সুৰক্ষা আৰু দায়িত্বশীল বাইক চালনৰ প্ৰতি সজাগতা বৃদ্ধি পোৱাৰ পৰিপ্ৰেক্ষিতত টিভিএছ মটৰৰ দৰে প্ৰধান নিৰ্মাতাসকলে গ্ৰহণ কৰা এনে অনন্য অভিযানে সুৰক্ষিত বাহন চলোৱা প্ৰক্ৰিয়াক শক্তিশালী কৰাত সহায় কৰিব পাৰে। ইয়াৰ লগতে অঞ্চলটোৰ ক্ৰমবৰ্ধমান প্ৰিমিয়াম মটৰচাইকেল বজাৰখনত গ্ৰাহকৰ অংশগ্ৰহণ অধিক বৃদ্ধি কৰিব।
