টাটা মটৰ্ছৰ সহযোগী প্ৰতিষ্ঠান তথা ভাৰতৰ ইভি বিপ্লৱৰ পথ প্ৰদৰ্শক টাটা পেচেঞ্জাৰ ইলেক্ট্ৰিক মবিলিটী লিমিটেডে আজি প্ৰথমখন বিশুদ্ধ ইভি – পাঞ্চ.ইভি মুকলি কৰিছে। এই বাহনখন হৈছে উন্নত বিশুদ্ধ ইভি আৰ্কিটেকচাৰ ব্যৱহাৰ কৰা প্ৰথমখন প্ৰডাক্ট। এই স্মাৰ্ট, এডভেঞ্চাৰ আৰু এম্পাৱাৰ্ড ব্যক্তিত্বত উপলব্ধ বহুমুখী বৈদ্যুতিক বাহনখনৰ মূল্য হৈছে ১০.৯৯ লাখ টকা আৰু সমগ্ৰ ভাৰতৰ টাটা মটৰ্ছৰ শ্ব’ৰুম আৰু টাটা.ইভ ষ্ট’ৰত উপলব্ধ হ’ব। পৰিৱেশ সচেতন আৰু খৰচ-বহনক্ষম সুবিধা প্ৰদান কৰি বাহনখনক অসাধাৰণ কৰি তুলিছে।
টাটা.ইভিৰ পাঞ্চ.ইভি হৈছে টাটা ইভিৰ পৰ্টফলিঅ’ত এক যুগান্তকাৰী সংযোজন, যিয়ে শেহতীয়া বৈদ্যুতিক বাহন প্ৰযুক্তিৰ সৈতে পাঞ্চ ব্ৰেণ্ডৰ নিৰ্ভৰযোগ্যতাৰ সংমিশ্ৰণত শূন্য নিৰ্গমনসহিতে এক ব্যতিক্ৰমী ড্ৰাইভিং অভিজ্ঞতা প্ৰদান কৰে। পাঞ্চ.ইভি হৈছে বহুমুখী বৈদ্যুতিক বাহন যাৰ বেটাৰী পেকৰ দুটা বিকল্প আছে: ৩১৫ কিলোমিটাৰৰ বাবে ২৫ কিলোৱাট ঘণ্টা আৰু ৪২১ কিলোমিটাৰৰ বাবে ৩৫ কিলোৱাট ঘণ্টা। ইয়াত ৬০ কিলোৱাট পাৰ্মানেণ্ট মেগনেট চিনক্ৰ’নাছ এচি মটৰ আৰু ১১৪এনএম টৰ্কৰ সৈতে ৯০ কিলোৱাটৰ মটৰ আছে, যিয়ে ০ৰ পৰা ১০০ কি.মি/ঘণ্টা স্প্ৰিণ্ট সময় আৰু ১৪০ কি.মি/ঘণ্টা ইলেক্ট্ৰনিকভাৱে সীমিত টপ স্পীড প্ৰদান কৰে।
বেটাৰি পেক আৰু মটৰটোক আইপি৬৭ ৰেটিং কৰা হৈছে, লগতে ৮ বছৰ বা ১,৬০,০০০ কি.মি ৱাৰেণ্টিও প্ৰদান কৰা হৈছে। এই পাঞ্চ.ইভি মুকলি কৰি নিজৰ উত্সাহ প্ৰকাশ কৰি টাটা মটৰ্ছ পেচেঞ্জাৰ ভেহিকেলছ লিমিটেড আৰু টাটা পেচেঞ্জাৰ ইলেক্ট্ৰিক মবিলিটী লিমিটেডৰ পৰিচালনা সঞ্চালক শৈলেশ চন্দ্ৰই কয় যে, “এক্সক্লুছিভ ষ্টৰ, সহযোগিতামূলক চাৰ্জিং পদক্ষেপ আৰু এক অত্যাধুনিক নিৰ্মাণ পৰিস্থিতিতন্ত্ৰ প্ৰস্তুত কৰি আমি এক নতুন ভৱিষ্যৎ গঢ়ি তুলিবলৈ প্ৰতিশ্ৰুতিবদ্ধ, য’ত বহনক্ষমতা, সম্প্ৰদায় আৰু প্ৰযুক্তি সকলোখিনি যাতে একত্ৰিত হয়।”
