ত্ৰিপুৰাৰ যুৱক-যুৱতীসকলক বৰ্তমান সময়ৰ চাহিদাচালিত, ভৱিষ্যতৰ বাবে প্ৰস্তুত আৰু উদ্যোগৰ বাবে সাজু দক্ষতাৰে আগুৱাই নিয়াৰ মানসেৰে কেন্দ্ৰীয় বৈদ্যুতিন আৰু তথ্য প্ৰযুক্তি, দক্ষতা বিকাশ আৰু উদ্যমিতা তথা জল শক্তি বিভাগৰ ৰাজ্যিক মন্ত্ৰী ৰাজীৱ চন্দ্ৰশেখৰে দক্ষতা বিকাশ পদক্ষেপৰ আৰম্ভ কৰিছে। ত্ৰিপুৰাৰ দক্ষতা বিকাশ আৰু উদ্যমিতা মন্ত্ৰালয়(এণএছডিই)ৰ ধ্বাজাবাহী আঁচনি ৰূপে প্ৰধানমন্ত্ৰী কৌশল বিকাশ যোজনাৰ অধীনত এই পদক্ষেপ হাতত লোৱা হৈছে। পিএমকেভিৱাইৰ পদক্ষেপৰ লক্ষ্য হৈছে ত্ৰিপুৰাৰ ৪৮,০০০ৰো অধিক যুৱক-যুৱতীক থ্ৰীডি এডিটিভ মেনুফেকচাৰিং, ড্ৰ’ন প্ৰযুক্তি আৰু ডাটা ইঞ্জিনিয়াৰিঙৰ ক্ষেত্ৰখনত ১০০ৰো অধিক ভৱিষ্যতৰ বাবে প্ৰস্তুত দক্ষতাৰে সজ্জিত কৰি তোলা, যাৰ প্ৰধান উদ্দেশ্য হৈছে নিয়োগ সৃষ্টিৰ বাবে প্ৰশিক্ষণ আৰু শক্তিশালী উদ্যোগ অংশীদাৰিত্বৰ ওপৰত সৰ্বাধিক গুৰুত্ব আৰোপ কৰা, যাতে নিবনুৱা যুৱক-যুৱতীৰ আকাংক্ষাসমূহ পূৰণ কৰিব পাৰি।
এই অনুষ্ঠানত কেন্দ্ৰীয় সামাজিক ন্যায় আৰু সৱলীকৰণ বিভাগৰ ৰাজ্যিক মন্ত্ৰী কুমাৰী প্ৰতিমা ভৌমিক, ত্ৰিপুৰাৰ উদ্যোগ আৰু বাণিজ্য, অ’বিচিৰ কল্যাণ, গৃহ (কাৰাগাৰ) বিভাগৰ মন্ত্ৰী সান্ত্বনা চাকমা, এমএছডিইৰ যুটীয়া সচিব হেনা উছমান, ফ্লিপকাৰ্ট গ্ৰুপৰ ৰাজহুৱা নীতি বিভাগৰ মুৰব্বী তাফিম ছিদ্দিকী; চৰকাৰী পৰিক্ৰমা আৰু ৰাজহুৱা পৰিক্ৰমা, মাইক্ৰছফ্ট কৰ্পোৰেচন (ইণ্ডিয়া) প্ৰাইভেট লিমিটেডৰ সঞ্চালক সন্দীপ অৰোৰা; চিচকোৰ পৰিচালনা সঞ্চালক হৰিশ কৃষ্ণন আৰু অন্যান্য জ্যেষ্ঠ বিষয়াসকলো উপস্থিত আছিল।
এই অনুষ্ঠানত ইলেক্ট্ৰনিক্স আৰু তথ্য প্ৰযুক্তি, দক্ষতা বিকাশ আৰু উদ্যমিতা তথা জল শক্তি মন্ত্ৰী ৰাজীৱ চন্দ্ৰশেখৰে কয় যে, নৰেন্দ্ৰ মোদী চৰকাৰে ত্ৰিপুৰাৰ প্ৰতিজন যুৱ ভাৰতীয়ই দক্ষতামূলক কাৰ্যসূচী আৰু সুযোগ প্ৰাপ্ত কৰা, নিয়োগ সুৰক্ষিত কৰা, স্ব-নিয়োজনত জড়িত হোৱা আৰু উদ্যোগ বৃদ্ধি কৰাত সহায় কৰাৰ বাবে কাম কৰি আছে। এই পদক্ষেপে ‘নতুন ভাৰত’ৰ দৃষ্টিভংগীৰ সৈতে সংগতি ৰাখে, যাৰ উদ্দেশ্য হৈছে স্বাধীন ভাৰতৰ ইতিহাসৰ ভাগ্যৱান প্ৰজন্মক প্ৰতিপালন কৰা আৰু আগুৱাই নিয়া।
