কোকা-কোলা ইণ্ডিয়াই ভাৰতৰ পানীয় উদ্যোগত 100% ৰিচাইক্লড PET (rPET) প্ৰৱৰ্তনৰ ক্ষেত্ৰত অগ্ৰণী ভূমিকা গ্ৰহণ কৰাৰ পিছত এক গোলকীয় অৰ্থনীতি গঢ়ি তোলাৰ দিশত আন এক গুৰুত্বপূৰ্ণ পদক্ষেপ গ্ৰহণ কৰিছে। কোম্পানীটোৱে উৰিষ্যা ৰাজ্যৰ পৰা আৰম্ভ কৰি ASSPত 100% ৰিচাইক্লড PET (rPET) ৰ সৈতে 250 মিলিলিটাৰ বটলত কোকা-কোলা মুকলি কৰাৰ কথা ঘোষণা কৰিছে।
কোকা-কোলাৰ বটলিং অংশীদাৰ হিন্দুস্তান ক’কা-ক’লা বেভাৰেজ প্ৰাইভেট লিমিটেডে (HCCBPL)নিৰ্মাণ কৰা, এই উদ্যোগে কোম্পানীটোৰ বহনক্ষমতাৰ প্ৰতিশ্ৰুতিৰ ওপৰত গুৰুত্ব আৰোপ কৰে, কাৰ্বন পদচিহ্ন হ্ৰাস কৰা আৰু পৰিৱেশৰ প্ৰতি দায়বদ্ধতা প্ৰচাৰ কৰাত গুৰুত্ব দিয়ে।100% rPET ASSP মুকলি কৰি, হিন্দুস্তান ্কোকা-কোলা বেভাৰেজৰ (HCCB) যোগান শৃংখলাৰ কাৰ্যবাহী সঞ্চালক আলোক শৰ্মাই কয়, “ASSPত পুনঃব্যৱহৃত PET প্ৰৱৰ্তন কৰাটো প্লাষ্টিকৰ গোলকীয়তাৰ দিশত এক গুৰুত্বপূৰ্ণ পদক্ষেপ, যাৰ জৰিয়তে সামগ্ৰিক কাৰ্বন পদচিহ্ন যথেষ্ট হ্ৰাস হ’ব। এই কাৰ্যসূচীয়ে আমাৰ বহনক্ষম প্ৰক্ৰিয়া বৃদ্ধি আৰু ভাৰতৰ পানীয় উদ্যোগৰ বাবে এক সেউজ ভৱিষ্যত গঢ়ি তোলাৰ ক্ষেত্ৰত অগ্ৰণী ভূমিকা পালন কৰাৰ বিস্তৃত দৃষ্টিভংগীৰ সৈতে খাপ খাইছে।
কোকা-কোলা ইণ্ডিয়া আৰু দক্ষিণ-পশ্চিম এছিয়াৰ কাৰিকৰী উদ্ভাৱন আৰু যোগান শৃংখলাৰ উপ-সভাপতি এনৰিক একাৰমানে কয়, “ভাৰতত rPET সম্প্ৰসাৰণৰ বাবে আমাৰ প্ৰচেষ্টা ভাৰতৰ গ্ৰাহকসকলৰ বাবে উচ্চমানৰ, খাদ্য-গ্ৰেড, পুনৰ ব্যৱহাৰযোগ্য প্লাষ্টিকৰ উপলব্ধতা বৃদ্ধি কৰাৰ বাবে আমাৰ প্ৰতিশ্ৰুতিৰ এক সাক্ষ্য। এই পৰিৱেশ অনুকূল বটলসমূহৰ জৰিয়তে আমি পেকেজিংৰ বাবে এক গোলকীয় অৰ্থনীতিৰ দিশত অগ্ৰসৰ হ’বলৈ, আৱৰ্জনা আৰু কাৰ্বন নিৰ্গমন হ্ৰাস কৰিবলৈ প্ৰয়াস কৰিছো, যিটোৱে আমাক 2030 চনৰ ভিতৰত 50% পুনঃব্যৱহাৰযোগ্য সামগ্ৰীৰে বটল প্ৰস্তুত কৰাৰ আৱৰ্জনামুক্ত বিশ্বৰ লক্ষ্যত উপনীত কৰাব। ক’কা ক’লা কোম্পানীয়ে 40 ৰো অধিক বজাৰত 100% rPET বটল আগবঢ়ায়। এটা উচ্চাভিলাষী বহনক্ষম পেকেজিং কাৰ্য্যসূচী ‘ৱৰ্ল্ড উইডাইট ৱেষ্ট’ৰ আৰম্ভণিৰে ইয়াৰ লক্ষ্য হৈছে 2030 চনৰ ভিতৰত বিক্ৰী কৰা প্রতিটো বটলৰ বাবে এটা বটল সংগ্ৰহ আৰু পুনর্ব্যৱহাৰ কৰা। ইয়াৰ লক্ষ্য হৈছে 2025 চনৰ ভিতৰত সমগ্ৰ বিশ্বতে ইয়াৰ 100% পেকেজিং পুনৰ ব্যৱহাৰযোগ্য কৰি তোলা আৰু 2030 চনৰ ভিতৰত ইয়াৰ পেকেজিংত কমেও 50% ্পুনৰ্ব্যৱহাৰ্য্য সামগ্ৰী ব্যৱহাৰ কৰা।
