১৯৭১ চনৰ পৰাই ভেল্লাৰ ভূমিপুত্ৰ মুছলমান লোকসকলে বিহু পাতি আহিছে। তাৰ বাবে ভেল্লাৰ খিলঞ্জীয়া গৰিয়া মুছলমানক অশেষ ধন্যবাদ আৰু কৃতজ্ঞতা জ্ঞাপন। গৰিয়া মৰিয়া দেশী জাতীয় পৰিষদৰ সভাপতি নুৰুল হকে ভেল্লাৰ বিহুত অংশগ্ৰহণ কৰি কয়-আহোম সকলৰ সৈতে বিহু উদযাপন কৰি আহিছে গৰিয়া মৰিয়া দেশী লোকসকলে ।
বৰপেটাৰ খিলঞ্জীয়া গৰিয়া মুছলমান অধ্যুষিত ভেল্লা আঞ্চলিক যুৱক সমাজ আৰু গৰিয়া মৰিয়া দেশী জাতীয় পৰিষদৰ ভেল্লা আঞ্চলিক সমিতিৰ উদ্যোগত বৃহস্পতিবাৰে অনুষ্ঠিত হয় এই
বিহু | উপস্থিত থাকি উত্তৰ-পূৱ খিলঞ্জীয়া গণ মঞ্চৰ সভাপতি অনুপ চেতিয়াই কয়-অসমীয়া ভাষা, সংস্কৃতি ৰক্ষাৰ ক্ষেত্ৰত অহোপুৰুষাৰ্থ সংগ্ৰাম কৰি আহিছে গৰিয়া মুছলমান লোকসকলে।
এই গৰিয়া সকলক সমষ্টি পুন নিৰ্ধাৰণৰ জৰিয়তে ৰাজনৈতিক ভাৱে হত্যা কৰা হৈছে। ২০২৬ ত বিধানসভা আৰু লোকসভাত এই জনগোষ্ঠীৰ বাবে আসন সুৰক্ষিত হব পৰাকৈ সমষ্টি পুন নিৰ্ধাৰণ নকৰিলে তীব্ৰ গণতান্ত্ৰিক আন্দোলন গঢ়ি তোলা হব বুলি হুংকাৰ দিয়ে নুৰুল হকে। এশ শতাংশই গৰিয়া মুছলমান অধ্যুষিত ভেল্লাত অনুষ্ঠিত এই বিহুত গৰিয়া উন্নয়ন পৰিষদৰ অধ্যক্ষ হাফিজুল আহমেদ, গৰিয়া মৰিয়া দেশী জাতীয় পৰিষদৰ বিশেষ উপদেষ্টা আজিজুল ৰহমান, সাধাৰণ সম্পাদক আৰিফ উদ্দিন আহমেদ, সমাজকৰ্মী অনিল কুমাৰ দাস, জ্যেষ্ঠ সাংবাদিক সাংবাদিক নকুল তালুকদাৰসহ কেইবাগৰাকীও বিশিষ্ট ব্যক্তি উপস্থিত থাকে ।
