ভাৰতৰ প্ৰতিভাধৰ আৰু নিবনুৱা যুৱক-যুৱতীক শেহতীয়া প্ৰযুক্তিৰে সজ্জিত হোৱাটো নিশ্চিত কৰি ক্ষিপ্ৰতাৰে দক্ষতা বিকাশ আৰু ভাৰতৰ যুৱক-যুৱতীসকলক প্ৰাসংগিক আৰু উন্নত দক্ষতাৰে সজ্জিত কৰাৰ বাবে প্ৰধানমন্ত্ৰী কৌশল বিকাশ যোজনাৰ অধীনত কেৰালাত ফিউচাৰ ৰেডি, জব ৰেডি স্কিলছ কাৰ্যসূচীৰ শুভাৰম্ভ কৰিছে। দেশৰ প্ৰধানমন্ত্ৰী নৰেন্দ্ৰ মোডীৰ সপোন ২০৪৭ চনৰ ভিতৰত বিকশিত ভাৰতৰ দূৰদৰ্শী লক্ষ্যৰ সৈতে সংগতি ৰাখি এই পদক্ষেপে উদ্ভাৱন আৰু ভৱিষ্যতৰ প্ৰস্তুতিৰ দিশত এক গুৰুত্বপূৰ্ণ পদক্ষেপ হিচাপে চিহ্নিত কৰিছে।
এই পদক্ষেপৰ আঁৰত হৈছে পিএমকেভিৱাই ৪.০, যিয়ে অহা ৩ বছৰত প্ৰায় ৪ লাখ যুৱক-যুৱতীক ভৱিষ্যতৰ দক্ষতা প্ৰদান কৰিবলৈ নিৰ্ধাৰিত কাৰ্যসূচী আগবঢ়াব। এই পদক্ষেপৰ লক্ষ্য হৈছে মহাবিদ্যালয়, বিশ্ববিদ্যালয়, বিদ্যালয়, আই টি আই, প্ৰধানমন্ত্ৰী কৌশল কেন্দ্ৰ, জন শিক্ষণ সংস্থা আৰু অন্যান্য প্ৰতিষ্ঠানৰ জৰিয়তে এডিটিভ মেনুফেকচাৰিং, থ্ৰীডি প্ৰিণ্টিং, এ আই, ড্ৰোন নিৰ্মাণ আৰু বৈদ্যুতিক বাহন সেৱা টেকনিচিয়ান আদি ক্ষেত্ৰত উন্নত দক্ষতাৰে সজ্জিত কৰি তোলাৰ বাবে প্ৰশিক্ষণ পাঠ্যক্ৰম ৰূপায়ণ কৰা হ’ব।
উদ্বোধনী অনুষ্ঠানত ভাষণ প্ৰদান কৰি ভাৰত চৰকাৰৰ জলশক্তি, ইলেক্ট্ৰনিকছ আৰু তথ্যপ্ৰযুক্তি তথা দক্ষতা বিকাশ আৰু উদ্যমিতা বিভাগৰ ৰাজ্যিক মন্ত্ৰী ৰাজীৱ চন্দ্ৰশেখৰে কয় যে, “জ্ঞানেই শক্তি, কিন্তু তাতোকৈ শক্তিশালী হৈছে দক্ষতাৰ সৈতে জ্ঞান। ইয়াৰ লগতে তেওঁ উল্লেখ কৰে যে “কেৰালাৰ প্ৰতিজন যুৱক-যুৱতীক দক্ষতা প্ৰদান কৰাটো সকলোৰে দায়িত্ব আৰু ইয়াক আমি নিশ্চিত কৰিব লাগিব”।
