নিছান মটৰ ইণ্ডিয়া প্ৰাইভেট লিমিটেড(এনএমআইপিএল)-এ সাত বছৰত সৰ্বাধিক একক বছৰৰ বিক্ৰী অৰ্জনৰ তথ্য সদৰি কৰিছে, যি ২০২৪-২৫ বিত্তীয় বৰ্ষত ৯৯,০০০তকৈও অধিক বাহন বিক্ৰী কৰিবলৈ সক্ষম হৈছে। এই তথ্যই বাৰ্ষিক ৩৫% বৃদ্ধিৰ সূচনা কৰিছে, যাক নতুন নিছান মেগনাইট বি-এছইউভিৰ দ্বাৰা ইন্ধন যোগাই আহিছে, যিয়ে ঘৰুৱা আৰু ৰপ্তানি বজাৰ দুয়োটা খণ্ডৰে নেতৃত্ব দিয়ে। বি-এছইউভি ছেগমেণ্টত বিকল্প ইন্ধনযুক্ত বাহনৰ দিশত গ্ৰাহকৰ পছন্দ সলনি হোৱাৰ পিছতো নিছানৰ ঘৰুৱা বিক্ৰী ২৮,০০০+ ইউনিট হৈছিল। কোম্পানীটোৰ ৰপ্তানি ব্যৱসায়ে ঐতিহাসিক ৭১,০০০+ ইউনিটত উপনীত হৈছেগৈ, ২০খনৰ পৰা ৬৫+ আন্তঃৰাষ্ট্ৰীয় বজাৰলৈ সম্প্ৰসাৰিত হৈছে, যিয়ে ভাৰতৰ ভূমিকাক বিশ্বব্যাপী উৎপাদন কেন্দ্ৰ হিচাপে শক্তিশালী কৰি তুলিলে।
নিছানৰ গোলকীয় পৰিৱৰ্তন ৰণনীতিৰ অংশ হিচাপে প্ৰতিষ্ঠানটোৱে ভাৰতৰ কাৰ্য-কলাপ ন ৰূপত সজাই তুলিছে, ইয়াৰ অংশ ৰূপে চেন্নাই জেভি প্ৰকল্পত নিজৰ অংশীদাৰিত্ব সহযোগী অংশীদাৰৰ সৈতে ভাগ-বতৰা কৰিছে। কোম্পানীটোৱে বিত্তীয় বৰ্ষ ২০২৫ত ৭খন আসনৰ বি-এমপিভি আৰু বিত্তীয় বৰ্ষ ২০২৬ত ৫খন আসনৰ চি-এছইউভি মুকলিৰ পৰিকল্পনা কৰিছে, যাতে নিজৰ পৰ্টফলিঅ’ শক্তিশালী হয়।
গুৱাহাটীৰ নিছান ডিলৰসকলেও মেগনাইট বাহনৰ চাহিদা বৃদ্ধিৰ কথা প্ৰকাশ কৰিছে, গ্ৰাহকে নিজৰ সুলভতা আৰু খণ্ড-প্ৰথম বৈশিষ্ট্যসমূহৰ উচ্চ প্ৰশংসা কৰিছে। আগন্তুক মডেলসমূহে উত্তৰ-পূবত বিক্ৰী অধিক বৃদ্ধি কৰিব বুলি আশা কৰা হৈছে। ২০২৫ চনৰ ১ এপ্ৰিলৰ পৰা নিছানে বৃদ্ধি পোৱা ইনপুট খৰচৰ কাৰণে নতুন মেগনাইটৰ মূল্য ৩% পৰ্যন্ত বৃদ্ধিৰ সিদ্ধান্ত লৈছে। ব্ৰেণ্ডটোৱে বৃদ্ধি, উদ্ভাৱন আৰু ডিলাৰ নেটৱৰ্ক সম্প্ৰসাৰণৰ বাবে প্ৰতিনিয়ত প্ৰতিশ্ৰুতিবদ্ধ হৈ আছে।
