ৰাষ্ট্ৰসংঘৰ বৈঠকত ফলাফলভিত্তিক বিত্তীয় সাহায্যৰ ক্ষেত্ৰত ভাৰতৰ নেতৃত্ব প্ৰদৰ্শন মন্ত্ৰী জয়ন্ত চৌধুৰীৰ

কেন্দ্ৰীয় দক্ষতা বিকাশ আৰু তথা উদ্যমিতা বিভাগৰ ৰাজ্যিক মন্ত্ৰী (স্বতন্ত্ৰ দায়িত্ব) জয়ন্ত চৌধুৰীয়ে স্পেইনত ৰাষ্ট্ৰসংঘৰ উন্নয়নৰ বাবে বিত্ত যোগান (এফএফডি৪) সম্পৰ্কীয় চতুৰ্থ আন্তঃৰাষ্ট্ৰীয় সন্মিলনত ভাৰতৰ ফলাফল-আধাৰিত বিত্তীয়(অ’বিএফ) ব্যৱস্থাৰ সফলতাৰ ওপৰত গুৰুত্ব আৰোপ কৰি অভিনৱ উন্নয়নৰ বিত্তীয় যোগানৰ ক্ষেত্ৰত ভাৰত দ্ৰুতগতিত আগবঢ়া বিশ্বৰ আগশাৰীৰ দেশ হিচাপে আত্মপ্ৰকাশ কৰিছে। অ’ইচিডি আৰু ফলাফল বিত্তৰ সহযোগিতাৰে উমৈহতীয়াভাৱে আয়োজিত এক উচ্চ পৰ্যায়ৰ পেনেলত ভাৰতক প্ৰতিনিধিত্ব কৰি চৌধুৰীয়ে ১৪.৪ মিলিয়ন ডলাৰৰ দক্ষতা প্ৰভাৱশালী বণ্ড আৰু প্ৰজেক্ট এম্বাৰৰ দৰে পদক্ষেপসমূহ প্ৰদৰ্শন কৰে, যিবোৰে পৰিমাপযোগ্য সামাজিক লাভৰ বাবে ৰাজহুৱা, ব্যক্তিগত আৰু জনহিতকৰ মূলধনক একত্ৰিত কৰে।
কেন্দ্ৰীয় বিত্তমন্ত্ৰী নিৰ্মলা সীতাৰমনৰ নেতৃত্বৰ ভাৰতীয় প্ৰতিনিধি দলে দক্ষতা, নিয়োগ আৰু লিংগ সমতাক ৰূপান্তৰিত কৰাৰ বাবে অ’বিএফৰ সম্ভাৱনাৰ ওপৰত আলোকপাত কৰে। তাৰ মাজতে মন্ত্ৰী চৌধাৰীয়ে লিংগ-প্ৰতিক্ৰিয়াশীল আৰু উদ্যমিতা-কেন্দ্ৰিক বিত্তীয় সাহায্যৰ নতুন পথ অন্বেষণ কৰিবলৈ অ’ইচিডি, চিআইএফএফ, ইউবিএছ অপ্টিমাছ ফাউণ্ডেচন আৰু চুইজাৰলেণ্ডৰ সহযোগিতা সংস্থাকে ধৰি বিশ্বব্যাপী অংশীদাৰসকলৰ সৈতে গুৰুত্বপূৰ্ণ দ্বিপাক্ষিক বৈঠক অনুষ্ঠিত কৰে।
গুৱাহাটী মহানগৰীতো কৰ্মসংস্থাপন-সংযুক্ত দক্ষতা বিকাশ এক সৰ্বোচ্চ অগ্ৰাধিকাৰ হৈ আহিছে, ষ্টাৰ্টআপ আৰু এমএছএমই পৰিৱেশ তন্ত্ৰৰ অংশীদাৰসকলে আঞ্চলিক নিয়োজন বৃদ্ধিৰ বাবে ফলাফল-আধাৰিত পুঁজি যোগানক এক প্ৰতিশ্ৰুতিপূৰ্ণ পথ হিচাপে লক্ষ্য কৰিছে। বৃত্তিমূলক পদক্ষেপসমূহত যুৱক-যুৱতীৰ অংশগ্ৰহণ বৃদ্ধিৰ লগে লগে বিনিয়োগকাৰীসকলে বিশ্বাস কৰে যে অসমৰ শেহতীয়া দক্ষতা অৰ্থনীতিত অ’বিএফ-এ দায়বদ্ধতা, উদ্ভাৱন আৰু ব্যক্তিগত বিনিয়োগক নতুন মাত্ৰা প্ৰদান কৰিব পাৰে।