২০২৫ চনত ভাৰতীয়সকলে ৪,০০০ কোটিতকৈ অধিক স্পেম কল লাভ কৰিছিল, যিয়ে দৈনন্দিন যোগাযোগত প্ৰৱঞ্চনা, বিঘিনি, আৰু ডিজিটেল বিপদাশংকাৰ ক্ৰমবৰ্ধমান পৰিসৰ প্ৰতিফলিত কৰিছে। ভাৰতত প্ৰতিটো ফোন কলে অৰ্থ বহন কৰে – ই সুযোগৰ দুৱাৰ মুকলি কৰিব পাৰে, গুৰুত্বপূৰ্ণ তথ্য প্ৰদান কৰিব পাৰে, আনকি ব্যক্তিক গুৰুতৰ বিপদৰ সন্মুখীন কৰিব পাৰে।বিকশিত ভাৰতৰ দৃষ্টিভংগীৰ অধীনত দেশখনে ডিজিটেলভাৱে সৱল আৰু বিশ্বব্যাপী প্ৰতিযোগিতামূলক অৰ্থনীতিৰ দিশত ত্বৰান্বিত হোৱাৰ লগে লগে যোগাযোগৰ ওপৰত আস্থা অগ্ৰগতিৰ এক গুৰুত্বপূৰ্ণ স্তম্ভ হিচাপে পৰিণত হৈছে।
ট্ৰুকলাৰৰ শেহতীয়া প্ৰতিবেদনত দেখা গৈছে যে, এই অবাঞ্চিত কলসমূহৰ ১,১৮৯ কোটি কল ব্যৱহাৰকাৰীৰ ওচৰ পোৱাৰ আগতেই ব্লক কৰা হৈছিল, যাৰ ফলত লাখ লাখ লোকে ক্ৰমান্বয়ে সংযুক্ত অৰ্থনীতিত প্ৰৱঞ্চনা,সময় নষ্ট আৰু অপ্ৰয়োজনীয় মানসিক চাপৰ পৰা হাত সাৰিবলৈ সহায় লাভ কৰিছিল। দেশত ১০০ কোটিৰো অধিক সক্ৰিয় ফোন সংযোগে বাণিজ্য, শাসন, আৰু ব্যক্তিগত সম্পৰ্কক শক্তিশালী কৰি তোলাৰ সময়তে, ট্ৰুকলাৰে আজি নিজৰ ২০২৫ চনৰ ইণ্ডিয়া ইনচাইটছ ৰিপৰ্ট প্ৰকাশ কৰে, য’ত স্পেম আৰু প্ৰৱঞ্চনাই দেশৰ যোগাযোগৰ পৰিৱেশ কেনেকৈ নতুন ৰূপ দিছে আৰু প্ৰযুক্তিয়ে কেনেকৈ প্ৰতিদিনে কোটি কোটি লোকক সুৰক্ষা দিয়াত সহায় কৰিছে, তাৰ তথ্য-ভিত্তিক দৃষ্টিভংগী আগবঢ়াইছে।
এই প্ৰতিবেদনখনে সমগ্ৰ ২০২৫ চন জুৰি এই সিদ্ধান্তসমূহ কেনেদৰে কাৰ্যকৰী হৈছিল সেয়া প্ৰতিফলিত কৰিছে, লগতে ডিজিটেল বিপদাশংকাৰ পৰিসৰ আৰু সুৰক্ষাৰ গুৰুত্ব ক্ৰমাৎ বৃদ্ধি পাই থকা বিষয়টোও উন্মোচন কৰিছে।
“যিখন দেশত সংযোগে প্ৰতিটো স্তৰতে সুযোগক শক্তিশালী কৰি তুলিছে, সেইখন দেশত বিশ্বাস আমাৰ আটাইতকৈ মূল্যৱান ডিজিটেল সম্পদ হৈ পৰিছে” ট্ৰুকলাৰৰ মুখ্য কাৰ্য্যবাহী বিষয়া ঋষিত ঝুনঝুনৱালাই কয়। “আজিৰ দিনত প্ৰৱঞ্চনা কেৱল প্ৰযুক্তিগত সমস্যা নহয়, ই এটা মানুহৰ সমস্যা। ই সকলোতকৈ গুৰুত্বপূৰ্ণ সময়ত ভয়, জৰুৰীকালীন স্থিতি আৰু অনিশ্চয়তাৰ সুযোগ লয়।আমাৰ দায়িত্ব হ’ল কোনো ভাৰতীয়ই যাতে সংযুক্ত হৈ থকা আৰু সুৰক্ষিত হৈ থকাৰ মাজৰ পৰা মাথো এটা বাছি ল’ব নালাগে৷ ট্ৰুকলাৰত আমাৰ লক্ষ্য তেনেই সাধাৰণ: মানুহক তেওঁলোকৰ সুৰক্ষাৰ ক্ষতি নোহোৱাকৈ সংযুক্ত ৰাখিবলৈ সহায় কৰা আৰু ক্ষতি আৰম্ভ হোৱাৰ আগতে বিপদ বন্ধ কৰা।”
