দক্ষতা বিকাশ আৰু উদ্যোগ মন্ত্ৰালয়ৰ (এমএছডিই) নিৰ্দেশনাত কাম কৰি ৰাষ্ট্ৰীয় দক্ষতা বিকাশ নিগমে (এনএছডিচি) নতুন দিল্লীৰ টালকাটোৰা ইণ্ডোৰ ষ্টেডিয়ামত আজিৰ পৰা আৰম্ভ হোৱা ইণ্ডিয়াস্কিলচ ২০২১ৰ ৰাষ্ট্ৰীয় প্ৰতিযোগিতাৰ আয়োজন কৰে। এই অনুষ্ঠানটোত ২৬ খন ৰাজ্য/কেন্দ্ৰীয় শাসিত অঞ্চলৰ অংশগ্ৰহণকাৰীসকলে ৫০ টাতকৈ অধিক দক্ষতাত অংশগ্ৰহণ কৰিব, অসমৰ ২০ জন প্ৰাৰ্থীয়ে ফাইনেলত তেওঁলোকৰ দক্ষতা প্ৰদৰ্শন কৰিব।
প্ৰতিযোগিতাসমূহ একাধিক স্থানত অনুষ্ঠিত হ’ব আৰু বিজয়ীসকলক ১০ জানুৱাৰীত নতুন দিল্লীত সম্বৰ্ধনা জনোৱা হ’ব। অনুষ্ঠানটোত প্ৰত্যক্ষ হ’ব লগা দক্ষতাবোৰ হ’ল- এবিলিম্পিক্স প্ৰতিবন্ধী ব্যক্তিৰ দ্বাৰা দক্ষতা প্ৰদৰ্শন, যোগা, জোতা নিৰ্মাণ (চামৰা), পোছাক নিৰ্মাণ (চামৰা) আৰু অন্যান্য সাতটা নতুন বয়সৰ দক্ষতা ইত্যাদি। বিজয়ীসকলে অক্টোবৰ ২০২২ ত অনুষ্ঠিত হ’বলগীয়া চীনৰ ৱৰ্ল্ডস্কিলচ ছাংহাইত ভাৰতক প্ৰতিনিধিত্ব কৰিবলৈ কঠোৰ প্ৰশিক্ষণ ল’ব।
এনএছডিচিৰ মুখ্য সঞ্চালন বিষয়া বেদ মণি তিৱাৰীয়ে কয়, “ইণ্ডিয়াস্কিলচ প্ৰতিযোগিতাৰ লক্ষ্য হৈছে প্ৰতিভাশালী আৰু দক্ষ কৰ্মশক্তিৰ এক মিলন সৃষ্টি কৰা, যি ভৱিষ্যতে দেশৰ অৰ্থনৈতিক বিকাশত অৰিহণা যোগাব। ইণ্ডিয়াস্কিলচৰ সফলতা হৈছে জুৰী, বিশেষজ্ঞ, প্ৰশিক্ষক, খণ্ড দক্ষতা পৰিষদ, অংশীদাৰ প্ৰতিষ্ঠান আৰু ৰাজ্যসমূহৰ এক সামূহিক প্ৰচেষ্টা যি দেশৰ আটাইতকৈ ডাঙৰ দক্ষতা প্ৰতিযোগিতা সম্পাদন কৰাত এনএছডিচিক সমৰ্থন কৰে।”
