বিত্ত মন্ত্ৰী নিৰ্মলা সীতাৰমণে নৰেন্দ্ৰ মোডী চৰকাৰৰ দ্বিতীয় কাৰ্যকালৰ অন্তিমখন বাজেট আজি সদনত উপস্থাপন কৰে। এই বাজেটত কৰদাতাসকলক কোনো নতুন ৰেহাই দিয়া হোৱা নাই। অৰ্থাৎ, আয়কৰ শ্লেবত কোনো পৰিৱৰ্তন হোৱা নাই। ষ্টাৰ্টআপৰ বাবে কৰ ৰেহাই এবছৰৰ বাবে বৃদ্ধি কৰা হৈছে।সীতাৰমণে কয় যে প্ৰায় এক কোটি মহিলা লাখপতি দিদি হৈ পৰিছে, এতিয়া লক্ষ্য হৈছে তিনি কোটি লাখপতি দিদি কৰা। সীতাৰমণে এইবাৰ প্ৰায় এঘণ্টাৰ বাবে বাজেট ভাষণ আগঢ়ায়।
সীতাৰমণৰ আটাইতকৈ দীঘলীয়া বাজেট ভাষণ আছিল ২০২০ চনত, যেতিয়া তেওঁ বাজেট ভাষণ দুঘণ্টা ৪০ মিনিটৰ বাবে পঢ়িছিল। ভাষণৰ আৰম্ভণিতে নিৰ্মলা সীতাৰমণে কয়, “যোৱা ১০ বছৰত ভাৰতীয় অৰ্থনীতিত এক অভূতপূৰ্ব পৰিৱৰ্তন ঘটিছে। ২০১৪ চনত, দেশখনে বৃহৎ প্ৰত্যাহ্বানৰ সন্মুখীন হৈছিল। চৰকাৰে সেই প্ৰত্যাহ্বানবোৰ অতিক্ৰম কৰিছিল আৰু গাঁথনিগত সংস্কাৰ কৰিছিল।” বৃহস্পতিবাৰে উপস্থাপন কৰা কেন্দ্ৰীয় অন্তৱৰ্তীকালীন বাজেটত ষ্টাৰ্ট-আপৰ প্ৰচাৰৰ বাবে বিত্ত মন্ত্ৰী নিৰ্মলা সীতাৰমণে কেইবাটাও ঘোষণা কৰে।
এই বাজেটত, আয়কৰ আইনৰ ধাৰা ৮০ আইএচিৰ অধীনত কৰ ৰেহাই প্ৰাপ্ত কৰাৰ বাবে ষ্টাৰ্ট-আপ আৰম্ভ কৰাৰ অন্তিম তাৰিখ ৩১ মাৰ্চ, ২০২৩ ৰ পৰা ৩১ মাৰ্চ, ২০২৪ লৈ বৃদ্ধি কৰা হৈছে। এই বাজেটত, আয়কৰ আইনৰ ধাৰা ৮০ আইএচিৰ অধীনত কৰ ৰেহাই প্ৰাপ্ত কৰাৰ বাবে ষ্টাৰ্ট-আপ আৰম্ভ কৰাৰ অন্তিম তাৰিখ ৩১ মাৰ্চ, ২০২৩ ৰ পৰা ৩১ মাৰ্চ, ২০২৪ লৈ বৃদ্ধি কৰা হৈছে।কেন্দ্ৰীয় চৰকাৰে এতিয়ালৈকে ১.১৭ লাখ ষ্টাৰ্ট-আপক স্বীকৃতি দিছে। প্ৰধানমন্ত্ৰী মোডীয়ে ১৫ আগষ্টত ষ্টাৰ্ট-আপ ইণ্ডিয়া ঘোষণা কৰে। ইয়াৰ পিছত, আঁচনিখন ১৬ জানুৱাৰী, ২০১৬ তাৰিখে আৰম্ভ কৰা হৈছিল। ইয়াৰ অধীনত, দেশত ষ্টাৰ্ট-আপৰ প্ৰচাৰৰ বাবে নতুন উদ্যোগবোৰক কৰ ৰেহাই আৰু অন্যান্য সুবিধা প্ৰদান কৰাৰ কথা ঘোষণা কৰা হৈছিল।
